(vovworld) - ວັນທີ 31/03, ຢູ່ນະຄອນເຫ້ວ, ກອງປະຊຸມ ASEM ດ້ວຍຫົວຂໍ້ວ່າ “ສຶກສາຢ່າງມີຫົວຄິດປະດິດສ້າງ ແລະ ກໍ່ສ້າງແຫຼ່ງຊັບພະຍາກອນມະນຸດເພື່ອການພັດທະນາແບບຍືນຍົງ” ໄດ້ອັດລົງພາຍຫຼັງເຮັດວຽກເປັນເວລາ 2 ວັນ. ທີ່ກອງປະຊຸມ, ມີບົດປະກອບຄວາມເຫັນ 17 ບົດ ໂດຍບັນດານັກປາຖະກະຖາຫວຽດນາມ ແລະ ສາກົນສະເໜີ, ແບ່ງປັນບົດຮຽນລະດັບຊາດ ແລະ ສາກົນ ສຸມໃສ່ເຂົ້າບັນດາບັນຫາຄື: ບົດບາດຂອງການສຶກສາ ແລະ ແຫຼ່ງຊັບພະຍາກອນມະນຸດໃນສະຕະວັດທີ 21 ເພື່ອຄາດໝາຍພັດທະນາແບບຍືນຍົງ; ກາລະໂອກາດ, ສິ່ງທ້າທາຍ ແລະ ບົດບາດຂອງຝ່າຍຕ່າງໆທີ່ກ່ຽວຂ້ອງ; ພຶດຕິກຳຕົວຈິງ ແລະ ບົດຮຽນຢູ່ອາຊີ ແລະ ເອີລົບ… ກອງປະຊຸມໄດ້ເປັນເອກະພາບບາງເນື້ອໃນພື້ນຖານລວມມີ: ຍູ້ແຮງການພົວພັນລະຫວ່າງຂະແໜງການໃນສຶກສາ ແລະ ບຳລຸງສ້າງ ເພື່ອແນໃສ່ພັດທະນາມະນຸດຢ່າງຮອບດ້ານ, ສ້າງກາລະໂອກາດຮ່ຳຮຽນຕະຫຼອດຊີວິດຕິດກັບພາລະກິດປະຕິວັດອຸດສາຫະກຳຄັ້ງທີ 4…
ກ່າວຄຳເຫັນອັດກອງປະຊຸມ, ທ່ານລັດຖະມົນຕີກະຊວງສຶກສາ ແລະ ບຳລຸງສ້າງ ຟຸ່ງຊວນຍ້າ ເນັ້ນໜັກວ່າ, ເພື່ອມຸ່ງໄປເຖິງພື້ນຖານການສຶກສາທີ່ມີຄວາມກົມກຽວ, ທັນສະໄໝ ແລະ ຕອບສະໜອງໄດ້ຄວາມຮຽກຮ້ອງຕ້ອງການດ້ານວຽກເຮັດງານທຳຂອງໂລກ, ແຕ່ລະປະເທດສະມາຊິກ ASEM ຕ້ອງມານະພະຍາຍາມກວ່າອີກ ແລະ ປ່ຽນໃໝ່ໃນວິວັດການປະຕິບັດຕະຫຼອດ.