(vovworld) – ພາຍຫຼັງເຮັດວຽກມາເປັນເວລາກ່ວາ 1 ອາທິດ, ຕອນເຊົ້າວັນທີ 21/8, ກອງປະຊຸມຄັ້ງທີ 20 ຄະນະປະຈຳສະພາແຫ່ງຊາດ ຖືກອັດລົງ. ກ່າວຄຳເຫັນທີ່ພິທີອັດກອງປະຊຸມ, ທ່ານປະທານສະພາແຫ່ງຊາດ ຫງວຽນຊິງຮູ່ງ ຊີ້ແຈ້ງວ່າ: ດ້ວຍນ້ຳໃຈເຮັດວຽກຮີບດ່ວນ, ເຂັ້ມງວດ, ຄະນະປະຈຳສະພາແຫ່ງຊາດ ໄດ້ປະຕິບັດສຳເລັດລາຍການເຮັດວຽກທັງໝົດຂອງກອງປະຊຸມ. ໃນກອງປະຊຸມນີ້, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ ບົນນ້ຳໃຈຮັບເອົາຄຳເຫັນຂອງສະມາຊິກສະພາແຫ່ງຊາດ, ພິຈາລະນະບັນດາຮ່າງກົດໝາຍ, ລັດຖະບັນຍັດ, ດຳລັດ, ດຳເນີນການຊັກຖາມລັດຖະມົນຕີກະຊວງຍຸຕິທຳ ແລະ ລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ. ທ່ານປະທານສະພາແຫ່ງຊາດ ສະເໜີໃຫ້ບັນດາອົງການທີ່ກ່ຽວຂ້ອງຮັບເອົາ ແລະ ສ້າງບັນດາຮ່າງກົດໝາຍ, ລັດຖະບັນຍັດໃຫ້ສົມບູນແບບ, ກະກຽມບັນດາຮ່າງກົດໝາຍໃຫ້ລະອຽດ, ພິເສດແມ່ນຮ່າງລັດຖະທຳມະນູນປີ 1992 ສະບັບປັບປຸງ ແລະ ກົດໝາຍວ່າດ້ວຍທີ່ດິນ (ສະບັບປັບປຸງ) ເພື່ອກະກຽມຍື່ນສະເໜີທີ່ກອງປະຊຸມສະໄໝສາມັນເທື່ອທີ 6 ສະພາແຫ່ງຊາດຊຸດທີ 13. ກ່ອນວາລະອັດກອງປະຊຸມ, ຄະນະປະຈຳສະພາແຫ່ງຊາດໄດ້ປະກອບຄຳເຫັນກ່ຽວກັບຮ່າງມະຕິກ່ຽວກັບເລື່ອງປະກາດໃຊ້ສາລະບານພາສີ ຊັບພະຍາກອນ.