(vovworld) – ຕອນບ່າຍວັນທີ 10/04, ປະຊຸມຄັ້ງທີ 37 ຂອງຄະນະປະຈຳສະພາແຫ່ງຊາດຊຸດທີ 13 ຖືກອັດລົງ. ທີ່ກອງປະຊຸມຄັ້ງນີ້, ຄະນະປະຈຳສະພາແຫ່ງຊາດໄດ້ໃຫ້ຄຳເຫັນກ່ຽວກັບບັນດາຮ່າງກົດໝາຍຄື: ກົດໝາຍວ່າດ້ວຍອາຍາ (ສະບັບປັບປຸງ), ປະມວນກົດໝາຍດຳເນີນຄະດີ (ສະບັບປັບປຸງ), ກົດໝາຍປັບປຸງ, ເພີ່ມເຕີມບາງຂໍ້ມາດຕາຂອງປະມວນກົດໝາຍວ່າດ້ວຍການເດີນທະເລຫວຽດນາມ… ຄະນະປະຈຳສະພາແຫ່ງຊາດໄດ້ຮັບຟັງບົດລາຍງາຍໝາກຜົນກອງປະຊຸມໃຫຍ່ສະຫະພັນລັດຖະສະພາສາກົນຄັ້ງທີ 132 (IPU 132) ທີ່ໄດ້ຈັດຂຶ້ນຢູ່ຮ່າໂນ້ຍ; ໃຫ້ຄຳເຫັນໃສ່ບັນດາໃບສະເໜີຂອງລັດຖະບານກ່ຽວກັບແຜນຮ່າງສ້າງຕັ້ງນະຄອນ ຕາມດຽບ, ແຂວງ ນິງບິ່ງ ແລະ ເທດສະບານກີແອງ ແຂວງຮ່າຕິ້ງ.
ນອກຈາກນັ້ນ, ຄະນະປະຈຳສະພາແຫ່ງຊາດ ຍັງໃຫ້ຄຳເຫັນກ່ຽວກັບລາຍການເຄື່ອນໄຫວຕິດຕາມກວດກາຂອງສະພາແຫ່ງຊາດ, ຄະນະປະຈຳສະພາແຫ່ງຊາດປີ 2016. ກ່ອນໜ້ານັ້ນ, ພາຍໃຕ້ການເປັນປະທານຂອງທ່ານຮອງປະທານສະພາແຫ່ງຊາດ ອວງຈູລິວ, ຄະນະປະຈຳສະພາແຫ່ງຊາດ ໄດ້ຮັບຟັງບົດລາຍງານກ່ຽວກັບສະພາບການພິພາກສາຢ່າງຜິດພາດໃນການເຄື່ອນໄຫວດຳເນີນຄະດີໃນການໝູນໃຊ້ກົດໝາຍອາຍາ, ການດຳເນີນຄະດີອາຍາ ແລະ ການຊົດເຊີຍຄວາມເສຍຫາຍໃຫ້ຜູ້ຖືກພິພາກສາຢ່າງຜິດພາດ ໃນການເຄື່ອນໄຫວດຳເນີນຄະດີອາຍາ ຕາມຂໍ້ກຳນົດຂອງກົດໝາຍ. ມີຫຼາຍຄຳເຫັນໄດ້ຖືວ່າ ຕ້ອງເຮັດແຈ້ງສາຍເຫດ ກໍ່ຄືໜ້າທີ່ຮັບຜິດຊອບຂອງບັນດາອົງການ, ອົງການຈັດຕັ້ງ, ສ່ວນບຸກຄົນ ໃນການພິພາກສາຢ່າງຜິດພາດ ແລະ ຜົນກະທົບຂອງສະພາບພິພາກສາຢ່າງຜິດພາດສຳລັບສັງຄົມ.