ອັດກອງປະຊຸມຄັ້ງທີ 4 ກຳມາທິການການຕ່າງປະເທດ ຫວຽດນາມ-ລາວ-ກຳປູເຈຍ
(ພາບ:cpv.org.vn)
( vovworld ) – ຕອນບ່າຍວັນທີ 3/8, ຢູ່ແຂວງເງະອານ, ໄດ້ອັດກອງປະຊຸມຄັ້ງທີ 4 ກຳມາທິການການຕ່າງປະເທດສະພາແຫ່ງຊາດສາມປະເທດຫວຽດນາມ-ລາວ-ກຳປູເຈຍ ກ່ຽວກັບເຂດສາມຫຼ່ຽມພັດທະນາ ດ້ວຍຫົວຂໍ້ “ບົດບາດຂອງສະພາແຫ່ງຊາດໃນການໜູນຊ່ວຍເຂດສາມຫຼ່ຽມພັດທະນາ“. ກ່າວຄຳເຫັນອັດກອງປະຊຸມ, ທ່ານ Tran Van Hang ປະທານກຳມາທິການການຕ່າງປະເທດສະພາແຫ່ງຊາດຫວຽດນາມ ໄດ້ເນັ້ນໜັກວ່າ ສະພາແຫ່ງຊາດສາມປະເທດມີບົດບາດສຳຄັນໃນການໜູນຊ່ວຍລັດຖະບານແຕ່ລະປະເທດ ສືບຕໍ່ສ້າງກົນໄກ, ນະໂຍບາຍໃຫ້ແກ່ເຂດສາມຫຼ່ຽມພັດທະນາ ເພື່ອແນໃສ່ເສີມຂະຫຍາຍຄວາມສາມາດບົ່ມຊ້ອນຂອງພາກພື້ນກ່ວາອີກ, ປະກອບສ່ວນຮັກສາຄວາມສະຫງົບປອດໄພ, ສ້າງເສັ້ນຊາຍແດນແຫ່ງສັນຕິພາບ, ສະຖຽນລະພາບ ແລະ ພັດທະນາ. ອັດກອງປະຊຸມ, ສາມຝ່າຍໄດ້ອອກຖະແຫຼງການຮ່ວມກ່ຽວກັບແຜນການສັງລວມກ່ຽວກັບການພັດທະນາເສດຖະກິດສັງຄົມຂອງເຂດສາມຫຼ່ຽມພັດທະນາຫວຽດນາມ-ລາວ-ກຳປູເຈຍ ຮອດປີ 2020. ໃນໄລຍະທີ່ຈະມາເຖິງ, ສາມປະເທດຈະສືບຕໍ່ຍູ້ໄວການສ້າງລະບົບກົດໝາຍກ່ຽວກັບການລົງທຶນ, ການດຳເນີນທຸລະກິດ, ບັນດານະໂຍບາຍກ່ຽວຂ້ອງເຖິງພາສີອາກອນ, ແຮງງານ...ໃຫ້ສົມບູນແບບ; ເນັ້ນຫນັກເຖິງຄວາມສຳຄັນຂອງການເພີ່ມທະວີການສົມທົບກັນ ແລະ ຮ່ວມມືໃນບັນດາການເຄືອ່ນໄຫວສອງຝ່າຍ, ຫຼາຍຝ່າຍ ແລະ ໃນຂົງເຂດນິຕິບັນຍັດ, ຕິດຕາມກວດກາ.