ອັດກອງປະຊຸມຄົ້ນຄ້ວາ, ຊາບຊືມມະຕິກອງປະຊຸມ ສູນກາງພັກຄັ້ງທີ 7 ຊຸດທີ 11 ທົ່ວປະເທດ
ທ່ານດິງເທຮິງກ່າວຄຳເຫັນທີ່ກອງປະຊຸມ
(ພາບ:dangcongsan.vn)
(vovworld)- ກອງປະຊຸມຄົ້ນຄ້ວາ, ຊາບຊືມມະຕິກອງປະຊຸມສູນກາງພັກຄັ້ງທີ 7 ຊຸດທີ 11 ທົ່ວປະເທດ ໂດຍຄະນະໂຄສະນາສຶກສາສູນກາງຈັດຕັ້ງຂຶ້ນໄດ້ອັດລົງໃນຕອນບ່າຍວັນທີ 4/7. ໃນການເຮັດວຽກເມື່ອວັນທີ 3-4/7, ບັນດາຜູ້ແທນໄດ້ຮັບຟັງບົດລາຍງານກ່ຽວກັບບັນດາເນື້ອໃນພື້ນຖານຂອງມະຕິກອງປະຊຸມສູນກາງພັກຄັ້ງທີ 7 ຄື: ມະຕິກ່ຽວກັບການເປັນເຈົ້າການຮັບມືກັບການປ່ຽນແປງຂອງດິນຟ້າອາກາດ, ເພີ່ມທະວີການຄຸ້ມຄອງຊັບພະຍາກອນແລະ ປົກປັກຮັກສາສິ່ງແວດລ້ອມ, ມະຕິກ່ຽວກັບການເພີ່ມທະວີ ແລະ ປ່ຽນໃໝ່ການນຳພາຂອງພັກທີ່ມີຕໍ່ວຽກງານຂົນຂວາຍ ປຊຊ ໃນສະພາບການໃໝ່…ບັນດາຜູ້ແທນເຂົ້າຮ່ວມກອງປະຊຸມກໍ່ໄດ້ຮັບຂໍ້ມູນຂ່າວ ແລະ ຊາບຊືມບາງບັນຫາໄດ້ຮັບການປຶກສາຫາລືທີ່ກອງປະຊຸມສູນກາງພັກຄັ້ງທີ 7 ຄື: ວາງແຜນຄະນະບໍລິການງານສູນຫາງພັກ, ກົມການເມືອງ, ຄະນະເລຂາ ແລະ ບັນດາຕຳແໜ່ງຫຼັກແຫຼ່ງຂອງພັກ, ລັດ ອາຍຸການ 2016-2021 ແລະ ອາຍຸການຕໍ່ໄປ ແລະ ບັນດາວຽກງານຕ້ອງສືບຕໍ່ປະຕິບັດໃນໄລຍະຈະມາເຖິງ…ກ່າວຄຳເຫັນສະຫລຸບກອງປະຊຸມ, ທ່ານດິງເທຮິງ, ຫົວໜ້າຄະນະໂຄສະນາສຶກສາສູນກາງ ສະເໜີໃຫ້ບັນດາຜູ້ແທນຈົ່ງກຳແໜ້ນບັນດາໜ້າທີ່ຈຸດສຸມ ແລະ ມາດຕະການຕົ້ນຕໍສຳລັບແຕ່ລະຂົງເຂດ. ສຳລັບມະຕິກ່ຽວກັບການເພີ່ມທະວີ ແລະ ປ່ຽນໃໝ່ການນຳພາຂອງພັກທີ່ມີຕໍ່ວຽກງານຂົນຂວາຍ ປຊຊ ໃນສະພາບການໃໝ່, ທ່ານດິງເທຮິງ ຊີ້ແຈ້ງວ່າ:
“ບັນຫາຕົ້ນຕໍຂອງວຽກງານຂົນຂວາຍ ປຊຊ ແມ່ນຕ້ອງເຮັດໃຫ້ ປຊຊ ມີຄວາມເຊື່ອໝັ້ນຕໍ່ການນຳພາຂອງພັກ, ເຊື່ອມໝັ້ນຕໍ່ແນວທາງ, ແຜນນະໂຍບາຍຂອງພັກ. ເພື່ອປະຕິບັດວຽກງານຂົນຂວາຍ ປຊຊ ເປັນຢ່າງດີ, ກ່ອນອື່ນໝົດຕ້ອງປ່ຽນໃໝ່ຈິນຕະນາການກ່ຽວກັບວຽກງານຂົນຂວາຍ ປຊຊ , ແກ້ໄຂບັນດາຄວາມມຸ່ງຫວັງ ແລະ ຜົນປະໂຫຍດອັນຊອບທຳຂອງ ປຊຊ. ດ້ານອື່ນ, ຕ້ອງປັບປຸງພັກ, ກໍ່ສ້າງລັດເປັນປະຈຳ, ທຸກທັດສະນະຂອງພັກ, ນະໂຍບາຍຂອງລັດຕ້ອງເພື່ອ ປຊຊ, ເລີ່ມຈາກຜົນປະໂຫຍດອັນຊອບທຳຂອງ ປຊຊ”.