ອັດກອງປະຊຸມ“ບັນດາບັນຫາທະເລແລະສົນທິສັນຍາສປຊກ່ຽວກັບກົດໝາຍວ່າດ້ວຍທະເລ“
ກອງປະຊຸມສຳມະນາ ໄຂຂຶ້ນໃນວັນທີ 4/6
(ພາບ: Văn Đức - TTXVN)
|
(vovworld) - ຕອນບ່າຍວັນທີ 4/6, ກອງປະຊຸມສຳມະນາສາກົນ “ບັນດາບັນຫາທະເລ ແລະ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS): ແບ່ງປັນການສຳພັດຂອງເອີລົບ ແລະ ອາຊີ ກ່ຽວກັບການຂັດແຍ້ງຜືນແຜ່ນດິນ“, ໄດ້ອັດລົງພາຍຫຼັງດຳເນີນມາເປັນເວລາ 2 ວັນຢູ່ນະຄອນຫ້າລອງ, ແຂວງກວາງນິງ. ກອງປະຊຸມສຳມະນາໂດຍສະຖາບັນການຕ່າງປະເທດຈັດຕັ້ງ ດ້ວຍການໜູນຊ່ວຍຂອງຄະນະຜູ້ແທນສະຫະພາບເອີລົບປະຈຳຫວຽດນາມ, ເຊິ່ງໄດ້ດຶງດູດຜູ້ແທນທັງພາຍໃນ ແລະ ຕ່າງປະເທດ 140 ຄົນເຂົ້າຮ່ວມ. ດ້ວຍ 20 ບົດປະກອບຄວາມເຫັນ ແລະ ເກືອບ 60 ຄວາມເຫັນປຶກສາຫາລື, ບັນດາຜູ້ແທນພາຍໃນ ແລະ ຕ່າງປະເທດໄດ້ປຶກສາຫາລືຫຼາຍບັນຫາກ່ຽວຂ້ອງເຖິງການອະທິບາຍ ແລະ ນຳໃຊ້ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລສາກົນປີ 1982; ສະພາບຕົວຈິງ ແລະ ບັນດາມາດຕະການຮ່ວມມື, ແນໃສ່ເພີ່ມທະວີຄວາມສະຫງົບປອດໄພຢູ່ເຂດທະເລອາຊີໃນທຸກຂົງເຂດ. ຄຽງຂ້າງນັ້ນບັນດາຜູ້ແທນກໍ່ແບ່ງປັນບົດຮຽນກ່ຽວກັບການພັດທະນາການຮ່ວມມື ແລະ ຍົກສູງຄວາມສາມາດໃນການຄຸ້ມຄອງທະເລຂອງເອີລົບ. ກ່າວຄວາມເຫັນອັດກອງປະຊຸມສຳມະນາ. ທ່ານເອກອັກຄະລັດຖະທູດ Franz Jessen, ຫົວໜ້າຄະນະຜູ້ແທນສະຫະພາບເອີລົບ ປະຈຳຫວຽດນາມ ໄດ້ໃຫ້ຂໍ້ສັງເກດວ່າ. ກອງປະຊຸມສຳມະນາເພື່ອແນໃສ່ຊຸກຍູ້ການຮ່ວມມືປ້ອງກັນຄວາມສະຫງົບ ແລະ ຄຸ້ມຄອງທະເລລະຫວ່າງອາຊີ ແລະ ເອີລົບ. ທ່ານຍັງສະແດງຄວາມພາກພູມໃຈເມື່ອເຫັນວ່າ ສະຫະພາບເອີລົບສາມາດມີບົດບາດຕັ້ງໜ້າໃນການໜູນຊ່ວຍບັນດາປະເທດອາຊີ ເພີ່ມທະວີການຮ່ວມມືໃນບັນດາບັນຫາທະເລ ແລະ ຢືນຢັນວ່າ ສະຫະພາບເອີລົບພ້ອມແລ້ວທີ່ຈະສົມທົບກັບຫວຽດນາມ ຈັດຕັ້ງບັນດາກອງປະຊຸມສຳມະນາຄືດັ່ງກ່າວ, ເພື່ອແບ່ງປັນບົດຮຽນເປັນປະຈຳກ່ຽວກັບບັນດາບັນຫາ ເຊິ່ງທັງສອງຝ່າຍຕ່າງມີຄວາມສົນໃຈ.