ອັດກອງປະຊຸມສຸດຍອດ ຂະບວນການບໍ່ຮ່ວມກຸ່ມ ຄັ້ງທີ່ 16
ກອງປະຊຸມສຸດຍອດຄັ້ງທີ່ 16 ຂະບວນການບໍ່ຮ່ວມກຸ່ມ(ພາບ: AP) |
Vovworld- ຕອນຄ່ຳວັນທີ 31/8 ກອງປະຊຸມສຸດຍອດຄັ້ງທີ່ 16 ຂະບວນການບໍ່ຮ່ວມກຸ່ມໄດ້ອັດລົງຢູ່ ເຕເຮຣານ ປະເທດ ອີຣານ. ກອງປະຊຸມໄດ້ເຫັນດີເປັນ ເອກະສັນຮັບຮອງເອົາເອກະສານສຸດທ້າຍທີ່ສ່ອງແສງທັດສະນະ ແລະ ບັນດາການກຳນົດທິດໃຫຍ່ຂອງ ຂະບວນການບໍ່ຮ່ວມກຸ່ມໃນຂົງເຂດຄວາມໝັ້ນຄົງ, ການເມືອງ, ເສດຖະກິດ, ສັງຄົມ, ສິດທິມະນຸດ, ບັນດາບັນຫາພາກພື້ນ ແລະ ສາກົນ. ເມືອ່ເຕື້ອງເຖິງສະພາບການຢູ່ອາຊີຕາເວັນອອກສຽງໃຕ້, ເອກະສານໄດ້ຢືນຢືນຄືນດ້ານຫຼັກໝັ້ນຂອງ ຂະບວນການບໍ່ຮ່ວມກຸ່ມກ່ຽວກັບການແກ້ໄຂການພິພາດອະທິປະໄຕ ແລະ ອານາເຂດຢູ່ທະເລຕາເວັນອອກໂດຍສັນຕິວິທີ, ສະໜັບສະໜູນບັນດາຫຼັກການໃນຖະແຫຼງການປີ 1992 ຂອງອາຊຽນກ່ຽວກັບ ທະເລຕາເວັນອອກ ແລະ ຖະແຫຼງການປີ 2002 ກ່ຽວກັບວິທີການປະພຶດຢູ່ ທະເລຕາເວັນອອກ DOC , ກໍຄືສົນທິສັນຍາ ສ.ປ.ຊ ກ່ຽວກັບກົດໝາຍທະເລປີ 1982, ຊົມເຊີຍຄວາມມານະພະຍາຍາມຂອງຂອງຝ່າຍຕ່າງໆແນໃສ່ປະຕິບັດ ຖະແຫຼງການກ່ຽວກັບວິທີການປະພຶດຢູ່ ທະເລຕາເວັນອອກ DOC ຢ່າງມີປະສິດຕິຜົນ ຄືດັ່ງບາດກ້າວທີ່ສຳຄັນເພື່ອກ້າວໄປເຖິງຂໍ້ກຳນົດການປະພຶດຢູ່ ທະເລຕາເວັນອອກ COC .
ກ່າວຄຳເຫັນທີ່ ກອງປະຊຸມຂະບວນການບໍ່ຮ່ວມກຸ່ມ, ທ່ານລັດຖະມົນຕີການຕ່າງປະເທດຫວຽດນາມ Pham Binh Minh ໄດ້ຢືນຢັນວ່າ ຫວຽດນາມໃຫ້ຄຳໝັ້ນໝາຍຢ່າງແຂງແຮງຕໍ່ການແກ້ໄຂການພິພາດອະທິປະໄຕ ແລະ ອານາໂດຍສັນຕິວິທີ, ສອດຄ່ອງກັບກົດໝາຍສາກົນ, ໃນນັ້ນມີ ສົນທິສັນຍາ ສ.ປ.ຊ ກ່ຽວກັບກົດໝາຍທະເລ. ຫວຽດນາມຊົມເຊີຍບັນດາທັດສະນະຂອງ ຂະບວນການບໍ່ຮ່ວມກຸ່ມກ່ຽວກັບບັນຫານີ້ໃນເອກະສານສຸດທ້າຍ.