(vovworld) – ພາຍຫຼັງດຳເນີນກອງປະຊຸມຢູ່ ອາຍແລນເໜືອ (ລາຊະອານາຈັກ ອັງກິດ ), ກອງປະຊຸມສຸດຍອດກຸ່ມບັນດາປະເທດອຸດສາຫະກຳພັດທະນາອັນດັບໜຶ່ງຂອງໂລກ (G8) ໄດ້ສິ້ນສຸດລົງໃນຕອນບ່າຍວັນທີ 18/6, ດ້ວຍເລື່ອງຮັບຮອງເອົາຖະແຫຼງການຮ່ວມກ່ຽວກັບໝາກຜົນບັນລຸໄດ້ທີ່ກອງປະຊຸມຄັ້ງນີ້ທີ່ກ່ຽວຂ້ອງເຖິງບັນດາບັນຫາຄືສະພາບການຢູ່ ຊີຣີ, ບັ້ນຮົບຕ້ານການໜີພາສີ ແລະ ການສໍ້ກົງພາສີ. ກ່າວຄຳເຫັນທີ່ການປະຊຸມຂ່າວຖືກຈັດຂຶ້ນພາຍຫຼັງກອງປະຊຸມ, ທ່ານນາຍົກລັດຖະມົນຕີປະເທດເຈົ້າພາບ David Cameron ໃຫ້ຮູ້ວ່າ: ບັນດາການນຳ G8 ລ້ວນແຕ່ສະໜັບສະໜູນເລື່ອງຈັດຕັ້ງ ກອງປະຊຸມໂດຍສັນຕິວິທີກ່ຽວກັບຊີຣີ ຢູ່ເຊີແນວ ປະເທດ ສະວິດ “ຍິ່ງໄວຍິ່ງດີ”. ບັນດາການນຳ G8 ຍອມຮັບວ່າ ເຂົາເຈົ້າລ້ວນແຕ່ມີຜົນປະໂຫຍດເປັນຕາຍໃນການຢຸດຕິການປະທະກັນໃນປະຈຸບັນຢູ່ ຊີຣີ ແລະ ຊ່ວຍປະຊາຊົນປະເທດນີ້ບັນລຸໄດ້ບັນດາການປ່ຽນແປງເຊິ່ງເຂົາເຈົ້າມຸ້ງຫວັງ. ບັນດາການນຳ G8 ກໍ່ໃຫ້ຄຳໝັ້ນສັນຍາອຸປະຖຳຈຳນວນເງິນເກືອບ 1,5 ຕື້ USD ໃຫ້ແກ່ບັນດາການເຄື່ອນໄຫວມະນຸດສະທຳ ຢູ່ ຊີຣີ.