(vovworld) - ພາຍຫຼັງເຮັດວຽກມາເປັນເວລາ 1 ເດືອນ ຢ່າງຮີບດ່ວນ, ດ້ວຍການເຂົ້າຮ່ວມຢ່າງຕັ້ງໜ້າ, ສຸດຈິດສຸດໃຈຂອງບັນດາສະມາຊິກສະພາແຫ່ງຊາດ (ສສຊ), ການກະກຽມ ຢ່າງລອບຄອບຖີ່ຖ້ວນ, ເຂັ້ມງວດຂອງລັດຖະບານ ແລະ ບັນດາອົງການ, ອົງການທີ່ກ່ຽວຂ້ອງ, ການເອົາໃຈໃສ່ຕິດຕາມ ແລະ ແບ່ງປັນຂອງປະຊາຊົນ, ຜູ້ມີສິດເລືອກຕັ້ງໃນທົ່ວປະເທດ, ຕອນບ່າຍວັນທີ 21/6, ກອງປະຊຸມສະໄໝສາມັນເທື່ອທີ 3 ສະພາແຫ່ງຊາດຫວຽດນາມ ຊຸດທີ 13 ໄດ້ອັດລົງດ້ວຍຜົນສຳເລັດຢ່າງຈົບງາມ.
ທີ່ກອງປະຊຸມຄັ້ງນີ້, ສະພາແຫ່ງຊາດ ໄດ້ປຶກສາຫາລື, ຮັບຮອງເອົາ 13 ກົດໝາຍ ແລະ ມະຕິ ກ່ຽວກັບໂຄງການສ້າງກົດໝາຍ, ລັດຖະດຳລັດ ປີ 2013, ປັບປຸງໂຄງການສ້າງກົດໝາຍ, ລັດຖະດຳລັດ ປີ 2012 ແລະ ອະຍຸການຊຸດທີ 13. ສະພາແຫ່ງຊາດກໍໄດ້ໃຫ້ຄຳຄິດຄຳເຫັນກ່ຽວກັບ 6 ຮ່າງກົດໝາຍອື່ນໆ ແລະ ມອບໃຫ້ຄະນະປະຈຳສະພາແຫ່ງຊາດຊີ້ນຳບັນດາອົງການ, ອົງການຈັດຕັ້ງທີ່ກ່ຽວຂ້ອງສືບຕໍ່ຄົ້ນຄ້ວາ ແລະ ຮັບເອົາຄຳເຫັນຂອງບັນດາ ສສຊ, ສ້າງສຳເລັດບັນດາຮ່າງກົດໝາຍ ຍືນສະເໜີຕໍ່ສະພາແຫ່ງຊາດຮັບຮອງເອົາໃນກອງປະຊຸມຄັ້ງຕໍ່ໄປ. ກ່າວຄຳເຫັນອັດກອງປະຊຸມ, ທ່ານປະທານສະພາແຫ່ງຊາດຫວຽດນາມ Nguyen Sinh Hung ຊີ້ແຈງວ່າ:
“ໃນສະພາບການປະເທດຊາດ ແລະ ໂລກ ຍັງມີຄວາມຫຍຸ້ງຍາກຫຼາຍຢ່າງ, ຄວນສ້າງສຳເລັດ ແລະ ຈັດຕັ້ງປະຕິບັດບັນດາແຜນຮ່າງສັງລວມສ້າງໂຄງປະກອບພື້ນຖານເສດຖະກິດ ຄືນໃໝ່ຢ່າງມີປະສິດທິຜົນໂດຍໄວ. ສ້າງສຳເລັດກົນໄກນະໂຍບາຍສົ່ງເສີມການລົງທຶນເຂົ້າຂົງເຂດກະສິກຳ, ຊາວກະສິກອນ ແລະ ຊົນນະບົດ. ນັບແຕ່ນີ້ຮອດວັນທີ 31/12/2012, ສຸມໃສ່ແກ້ໄຂບັນດາກໍລະນີຮ້ອງຟ້ອງ, ກ່າວຟ້ອງ ກ່ຽວກັບທີ່ດິນ, ສັບສົນ, ແກ່ຍາວ, ທີ່ໄດ້ຮັບຄວາມເອົາໃຈໃສ່ຈາກຫາງສຽງ. ສ້າງສຳເລັດນະໂຍບາຍ, ກົດໝາຍວ່າດ້ວຍການປ້ອງກັນ, ຕ້ານອາດຊະຍາກຳ, ສືບຕໍ່ປັບປຸງຄວາມສະຫງົບປອດໄພໃຫ້ແກ່ປະຊາຊົນ, ຂະບວນການທ່ົວປວງຊົນປ້ອງກັນ, ຕ້ານອາດຊະຍາກຳ, ໄພສັງຄົມ, ອຸບັດຕິເຫດ, ສ້າງຄວາມຫັນປ່ຽນຢ່າງຕັ້ງໜ້າ, ຮັບປະກັນສະພາບແວດລ້ອມມີຄວາມສະຫງົບໃຫ້ແກ່ປະຊາຊົນ, ໃຫ້ແກ່ການພັດທະນາຂອງເສດຖະກິດ - ສັງຄົມ”
ວາລະປະຊຸມ ເມື່ອຕອນຄຳວັນທີ 21/6
ທ່ານປະທານສະພາແຫ່ງຊາດ Nguyen Sinh Hung ໄດ້ຮຽກຮ້ອງວ່າ ພາຍຫຼັງກອງປະຊຸມຄັ້ງນີ້, ຄະນະປະຈຳສະພາແຫ່ງຊາດ, ລັດຖະບານ, ສານປະຊາຊົນສູງສຸດ, ໄອຍະການປະຊາຊົນສູງສຸດ, ບັນດາຂະແໜງການທຸກຂັ້ນ ຄວນສ້າງໂຄງການ, ແຜນການຜັນຂະຫຍາຍການປະຕິບັດບັນດາຂໍ້ກຳນົດຂອງສະພາແຫ່ງຊາດຢ່າງມີ ປະສິດທິຜົນໂດຍໄວ, ສູ້ຊົນປະຕິບັດສຳເລັດໜ້າທີ່ປີ 2012 . ບັນດາ ສສຊ ລາຍງານໝາກຜົນຂອງກອງປະຊຸມ, ສືບຕໍ່ປ່ຽນໃໝ່ເນື້ອໃນ, ຮູບການພົບປະກັບຜູ້ມີສິດເລືອກຕັ້ງ ແລະ ຕິດຕາມກວດກາການແກ້ໄຂບັນດາຂໍ້ສະເໜີຂອງຜູ້ມີສິດເລືອກຕັ້ງຢ່າງ ແໜ້ນແຟ້ນ. ທ່ານປະທານສະພາແຫ່ງຊາດ Nguyen Sinh Hung ໄດ້ເນັ້ນໜັກວ່າ.
“ສະພາແຫ່ງຊາດມອບໃຫ້ຄະນະປະຈຳສະພາແຫ່ງຊາດ, ສະພາຊົນເຜົ່າ, ບັນດາກຳມະທິການຂອງສະພາແຫ່ງຊາດ ໃນໄລຍະລະຫວ່າງສອງກອງປະຊຸມຂອງສະພາແຫ່ງຊາດ ຈັດຕັ້ງບັນດາວາລະຊັກຖາມ, ການອະພິປາຍຂອງບັນດາລັດຖະມົນຕີ, ຫົວໜ້າຂະແໜງ ກ່ຽວກັບບັນດາບັນຫາໃຫຍ່ພົ້ນເດັ່ນຂຶ້ນໃນການຄຸ້ມຄອງລັດ; ສະເໜີໃຫ້ບັນດາ ສສຊ ສະຫງວນເວລາເຂົ້າຮ່ວມບັນດາວາລະຊັກຖາມນີ້ ເພື່ອປະກອບສ່ວນຍົກສູງຄຸນນະພາບ, ປະສິດທິຜົນການເຄື່ອນໄຫວຂອງສະພາແຫ່ງຊາດ, ຮັບປະກັນການເຄື່ອນໄຫວຂອງບັນດາອົງການລັດໄກ້ສິດກັບປະຊາຊົນກວ່າ, ເປີດເຜີຍກວ່າ, ໂປ່ງໄສກວ່າ ແລະ ເພື່ອໃຫ້ຜູ້ມີສິດເລືອກຕັ້ງກໍຄືປະຊາຊົນໃນທົ່ວປະເທດຕິດຕາມກວດກາການເຄື່ອນໄຫວຂອງບັນດາອົງການລັດ”.