( vovworld ) - ວັນທີ 21/6, ກອງປະຊຸມສະໄໝສາມັນເທື່ອທີ 3 ສະພາແຫ່ງຊາດຫວຽດນາມຊຸດທີ 13 ໄດ້ດຳເນີນວາລະອັດກອງປະຊຸມພາຍຫຼັງທີ່ເຮັດວຽກມາເປັນເວລາ 1 ເດືອນ ຢ່າງຕັ້ງໜ້າ, ຮີບດວນ ແລະ ມີປະສິດທິຜົນ. ໃນວາລະອັດກອງປະຊຸມ, ສະພາແຫ່ງຊາດໄດ້ລົງປະຊາມະຕິຮັບຮອງເອົາບັນດາມະຕິສຳຄັນ, ໃນນັ້ນມີມະຕິຕິດຕາມກວດກາຫົວເລື່ອງສະເພາະກ່ຽວກັບເລື່ອງປະຕິບັດນະໂຍບາຍ, ກົດໝາຍກ່ຽວກັບການລົງທຶນຂອງລັດໃຫ້ແກ່ຂົງເຂດກະສີກຳ, ຊາວກະສີກອນ ແລະ ຊົນນະບົດ; ມະຕິກ່ຽວກັບແຜນຮ່າງສືບຕໍ່ປ່ຽນໃໝ່, ຍົກສູງຄຸນນະພາບ, ປະສິດທິຜົນໃນການເຄື່ອນໄຫວຂອງສະພາແຫ່ງຊາດ; ມະຕິກ່ຽວກັບໂຄງການສ້າງກົດໝາຍ, ລັດຖະບັນຍັດຂອງສະພາແຫ່ງຊາດປີ 2013. ສະພາແຫ່ງຊາດກໍຈະຮັບຮອງເອົາກົດໝາຍສຳຄັນບາງສະບັບ, ໃນນັ້ນມີກົດໝາຍວ່າດ້ວຍທະເລຫວຽດນາມ, ກົດໝາຍວ່າດ້ວຍແຫຼ່ງນ້ຳ ( ສະບັບປັບປຸງ ). ທ່ານປະທານສະພາແຫ່ງຊາດ Nguyen Sinh Hung ຈະມີບົດກ່າວປາໄສສຳຄັນໃນວາລະອັດກອງປະຊຸມຄັ້ງນີ້.