ບັນດາຜູ້ຊ່ຽວຊານ, ນັກຮຽນຮູ້
ເຂົ້າຮ່ວມກອງປະຊຸມສຳມະນາການເດີນທະເລ
ພາບ:vnexpress
|
(vovworld) - ກອງປະຊຸມສຳມະນາສາກົນພາຍໃຕ້ຫົວຂໍ້ວ່າ: ຄວາມປອດໄພການເດີນທະເລ ອາຊີຕາເວັນອອກສຽງໃຕ້” ໄດ້ອັດລົງໃນຕອນບ່າຍວັນທີ 30/3 ຢູ່ ນະຄອນ Ho Chi Minh. ຜ່ານວາລະປຶກສາຫາລືເປັນ 8 ຄັ້ງ, ຜູ້ແທນ 35 ທ່ານ ຊຶ່ງແມ່ນບັນດາຜູ້ຊ່ຽວຊານ, ນັກຮຽນຮູ້ຢູ່ພາຍໃນ ແລະ ຕ່າງປະເທດ ຖືວ່າ: ປະຈຸບັນ ເຂດທະເລອາຊີຕາເວັນອອກສຽງໃຕ້ ລວມມີເຂດທະເລສຳຄັນຫລາຍແຫ່ງ ແລະ ມີລະບົບຊີວະພາບທະເລອຸດົມສົບບູນ ແລະ ກວ້າງຂວາງ ບໍ່ພຽງແຕ່ສວມບົດບາດແມ່ນຂົວຕໍ່ທາງຄົມມະນາຄົມສຳຄັນເທົ່ານັ້ນ ຫາກຍັງແມ່ນເຂດມີຄວາມສາມາດບົ່ມຊ້ອນດ້ານສິນທະເລ ແລະແມ່ນເຂດເສດຖະກິດຂອງພາກພື້ນ. ບັນດານັກຮຽນຮູ້ເນັ້ນຫນັກວ່າ: ຫນຶ່ງໃນບັນດາປັດໄຈສຳຄັນເພື່ອສ້າງສະພາບແວດລ້ອມທະເລ ແລະ ການເດີນທະເລໃຫ້ປອດໄພແມ່ນເຈດຈຳນົງທາງດ້ານການເມືອງຂອງບັນດາປະເທດໃນການປະສານສົມທົບນະໂຍບາຍ ແລະ ການປະຕິບັດ. ບັນດາສິ່ງທ້າທາຍກ່ຽວກັບຄວາມປອດໄພການເດີນທະເລກໍຄືການຂົມຂູ່ທີ່ມີຕໍ່ສິ່ງແວດລ້ອມທະເລປະຈຸບັນ ແມ່ນບັນດາບັນຫາຕ້ອງມີການຮ່ວມແຮງຮ່ວມໃຈຂອງຫລາຍອົງການ ແລະ ບັນດາປະເທດຫາກບໍ່ສາມາດແກ້ໄຂພຽງຝ່າຍດຽວໄດ້. ກ່ຽວກັບຂອບເຂດທາງດ້ານກົດໝາຍສຳລັບຄວາມໝັ້ນຄົງ ແລະ ຄວາມປອດໄພສະພາບແວດລ້ອມທະເລ, ບັນດາຜູ້ແທນຖືວ່າ: ສົນທິສັນຍາກົດໝາຍທະເລຂອງສະຫະປະຊາຊາດ ປີ 1982, ບັນດາສົນທິສັນຍາຂອງອົງການການເດີນທະເລສາກົນ IMO ແມ່ນບັນດາກອບກົດໝາຍທີ່ສຳຄັນ, ໃນນັ້ນ ມີບັນດາການກຳນົດຢ່າງຈະແຈ້ງກ່ຽວກັບສິດ ແລະ ພັນທະຂອງບັນດາປະເທດແຄມທະເລ.