(ທ່ານ ຫງວຽນກວກເກື່ອງ, ປະທານສະມາຄົມຊາວກະສີກອນຫວຽດນາມ)
(vovworld)- ພາຍຫລັງເຮັດວຽກມາເປັນເວລາ 4 ວັນ, ຕອນເຊົ້າວັນທີ 3/7, ກອງປະຊຸມໃຫຍ່ຜູ້ແທນສະມາຄົມຊາວກະສິກອນຫວຽດນາມ ຄັ້ງທີ 6 ອາຍຸການ 2013-2018 ໄດ້ອັດລົງ ແລະ ອອກສະເຫນີຕົວຄະນະບໍລິຫານງານສູນກາງສະມາຄົມຊາວກະສິກອນຫວຽດນາມ ຊຸດທີ 6. ກອງປະຊຸມໃຫຍ່ໄດ້ຮັບຟັງປະກາດໝາກຜົນກອງປະຊຸມຄະນະບໍລິຫານງານສູນກາງສະມາຄົມຊາວກະສິກອນຫວຽດນາມຊຸດທີ 6 ຄັ້ງປະຖົມມະເລີກ ໂດຍມີການເຂົ້າຮ່ວມຂອງຜູ້ແທນ 122 ທ່ານ; ເລືອກຕັ້ງຄະນະປະຈຳສູນກາງສະມາຄົມຊາວກະສິກອນຊຸດທີ 6 ລວມມີຜູ້ແທນ 20 ທ່ານ. ກອງປະຊຸມໃຫຍ່ໄດ້ລົງມະຕິຮັບຮອງເອົາມະຕິກອງປະຊຸມໃຫຍ່ສະມາຄົມຊາວກະສິກອນຫວຽດນາມຄັ້ງທີ 6, ສືບຕໍ່ປະຕິບັດແຜນຮ່າງ “ຍົກສູງບົດບາດ, ຄວາມຮັບຜິດຊອບຂອງສະມາຄົມຊາວກະສິກອນຫວຽດນາມ ໃນການພັດທະນາກະສິກຳຢ່າງມີປະສິດທິຜົນ, ກໍ່ສ້າງຊົນນະບົດໃຫມ່ ແລະ ສ້າງຊົນຊັ້ນຊາວກະສິກອນຫວຽດນາມ ໄລຍະ 2010-2020.
ຕາມທ່ານ ຫງວຽນກວກເກື່ອງ, ຜູ້ໄດ້ຮັບເລືອກຕັ້ງເປັນປະທານສະມາຄົມຊາວກະສີກອນຫວຽດນາມອາຍຸການ 2013 – 2018 ແລະ ຮອງປະທານ 4 ທ່ານແມ່ນທ່ານ ຫງວຽນຢູຍເລື້ອງ, ທ່ານ ເລວຫວູດ່ຽວ, ທ່ານນາງ ຫງວຽນຮົ່ງຫຼີ ແລະ ທ່ານ ລ້າຍຊວນມົນ.
ທ່ານ ຫງວຽນກວກເກື່ອງ, ປະທານສະມາຄົມຊາວກະສີກອນຫວຽດນາມອາຍຸການ 2013 – 2018, ໃຫ້ຮູ້ວ່າ, ໄລຍະຈະມາເຖິງ, ສູນກາງສະມາຄົມຊາວກະສີກອນຫວຽດນາມ ຈະເປັນເສນາທິການໃຫ້ບັນດາອົງການພັກ ແລະ ລັດ ເພື່ອມີນະໂຍບາຍສ້າງເງື່ອນໄຂໃຫ້ຊາວກະສີກອນຫຼຸດພົ້ນອອກຈາກຄວາມທຸກຍາກ, ມີຊີວິດເປັນປົກກະຕິ ແລະ ບືນຕົວຂຶ້ນເພື່ອສ້າງຄວາມຮັ່ງມີ.
“ສະມາຄົມຊາວກະສີກອນຫວຽດນາມກຳນົດວ່າ, ເຂົ້າຮ່ວມການກໍ່ສ້າງຊົນນະບົດໃໝ່ແມ່ນໜຶ່ງໃນບັນດາໜ້າທີ່ຈຸດສຸມ ແລະ ສຳຄັນຂອງສະມາຄົມ, ດັ່ງນັ້ນ, ສະມາຄົມໄດ້ມີການເຄື່ອນໄຫວຫຼາຍຢ່າງຢູ່ທຸກຂັ້ນ ເພື່ອເປັນເຈົ້າການເປັນເສນາທິການໃຫ້ຄະນະພັກ, ອຳນາດການປົກຄອງທຸກຂັ້ນ ເພື່ອເຂົ້າຮ່ວມໃນຄະນະຊີ້ນຳ, ແລະ ບັນດາຂັ້ນຕອນປະຕິບັດ. ຂ້າພະເຈົ້າເຊື່ອໝັ້ນວ່າ, ໃນໄລຍະຈະມາເຖິງ. ສະມາຄົມຊາວກະສີກອນຫວຽດນາມ ຈະເຂົ້າຮ່ວມຢ່າງຕັ້ງໜ້າ ແລະ ມີປະສິດທິຜົນກວ່າອີກ, ປະກອບສ່ວນເຂົ້າພາລະກິດກໍ່ສ້າງຊົນນະບົດໃໝ່“.
ທ່ານ ຫງວຽນກວກເກື່ອງ, ປະທານສະມາຄົມຊາວກະສີກອນຫວຽດນາມ ຖືວ່າ, ເພື່ອຊຸກຍູ້ວິວັດແຫ່ງການພັດທະນາກະສີກຳ, ຊົນນະບົດ, ຊາວກະສີກອນໃນຕໍ່ໜ້ານັ້ນ, ແມ່ນຕ້ອງເຮັດຄືແນວໃດ ເພື່ອໃຫ້ຊາວກະສີກອນມີເງື່ອນໄຂຜະລິດ, ແລະສິ່ງສຳຄັນກວ່ານັ້ນແມ່ນບຳລຸງສ້າງວິຊາຊີບໃຫ້ແກ່ຜູ້ອອກແຮງງານຊົນນະບົດ ແລະ ຈຸດໝາຍຂອງກອງປະຊຸມໃຫຍ່ຄັ້ງທີ 6 ນີ້ ແມ່ນຈະບຳລຸງສ້າງວິຊາຊີບໃຫ້ຜູ້ອອກແຮງງານຢູ່ເຂດຊົນນະບົດ 1 ລ້ານຄົນ/ປີ.