ອັດການແຂ່ງຂັນຍິງປີນອຸປະກອນດ້ານການທະຫານບັນດາປະເທດອາຊຽນຄັ້ງທີ 24
ພິທີມອບຂັນໃຫ້ທິມຊະນະເລີດ
(vovworld) - ພິທີອັດການແຂ່ງຂັນຍິງປີນອຸປະກອນດ້ານການທະຫານບັນດາປະເທດອາຊຽນຄັ້ງທີ 24 ໄດ້ດຳເນີນໃນວັນທີ 28/11, ຢູ່ສູນເຝິກອົບຮົມແຫ່ງຊາດມ໋ຽວມົນ (ຮ່າໂນ້ຍ), ດ້ວຍການເຂົ້າຮ່ວມຂອງພົນເອກ ຟຸ່ງກວາງແທງ, ກຳມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີວ່າການກະຊວງປ້ອງກັນປະເທດຫວຽດນາມ ແລະ ນາຍພົນທະຫານຫຼາຍທ່ານຂອງຫວຽດນາມ ກໍ່ຄືບັນດາປະເທດອາຊຽນ. ກ່າວຄຳເຫັນທີ່ພິທີ, ທ່ານພົນຕີ ຫງວຽນກວົກແຄ໋ງ, ຮອງຫົວໜ້າເສນາທິການກອງທັງປະຊາຊົນຫວຽດນາມ, ຫົວໜ້າຄະນະຈັດຕັ້ງການແຂ່ງຂັນຍິງປືນອຸປະກອນດ້ານການທະຫານບັນດາປະເທດອາຊຽນຄັ້ງທີ 24 ຢັ້ງຢືນວ່າ, ນີ້ແມ່ນເຫດການສຳຄັນ, ແມ່ນປະກົດການທີ່ມີຊີວິດຊີວາແຫ່ງຄວາມສາມັກຄີ, ການຮ່ວມມືມິດຕະພາບ ແລະ ການພັດທະນາລະຫວ່າງກອງທັບບັນດາປະເທດອາຊຽນ. ທີ່ການແຂ່ງຂັນນີ້, ມີຫຼາຍຄົນໄດ້ຮັບຜົນງານສູງ, ແລະ ຫຼາຍສະຖິຕິໃໝ່ໄດ້ຮັບການສ້າງຂຶ້ນ. ຜົນງານດັ່ງກ່າວ, ສ່ອງແສງໃຫ້ເຫັນຄຸນນະພາບການເຝິກອົບຮົມ, ການຫຼໍ່ຫຼອມ, ທັກສະ, ຄຸນນະທາດຕໍ່ສູ້ຂອງກອງທັບບັນດາປະເທດອາຊຽນ.