(vovworld) - ຕອນບ່າຍວັນທີ 25/9, ພິທີອັດງານຕະຫລາດນັດ ຈີນ - ອາຊຽນ (CAEXPO) ແລະ ກອງປະຊຸມສຸດຍອດການລົງທຶນ, ການຄ້າ ຈີນ - ອາຊຽນ (CABIS) ຄັ້ງທີ 9 ໄດ້ຮັບການຈັດຂຶ້ນຢູ່ ນະຄອນ ຫນານຫນິງ, ເຂດປົກຄອງຕົນເອງ ເຜົ່າຈວ້າງ ແຂວງ ກວາງຊີ ປະເ ທດຈີນ. ກ່າວຄຳເຫັນອັດພິທີ, ທ່ານຮອງຫົວຫນ້າຄະນະຈັດຕັ້ງ ທັງເປັນເລຂາທິການໃຫຍ່ ງານຕະຫລາດນັດ ຈີນ - ອາຊຽນ, ຮອງປະທານເຂດປົກຄອງຕົນເອງເຜົ່າຈວ້າງ ແຂວງກວາງຊີ ຖືວ່າ: ປີນີ້ແມ່ນຄົບຮອບ 10 ປີແຫ່ງວັນລົງນາມໃນສັນຍາແມ່ກ່ຽວກັບການຮ່ວມມືເສດຖະກິດຮອບດ້ານລະຫວ່າງ ຈີນ ແລະ ອາຊຽນ ພ້ອມທັງແມ່ນປີຊຶ່ງບັນດາປະເທດຕ້ອງປະເຊີນຫນ້າກັບສະພາບເສດຖະກິດໂລກມີການຜັນແປໄປຢ່າງສັບສົນ, ເລື່ອງຈັດຕັ້ງງານຕະຫລາດນັດ ແລະ ກອງປະຊຸມສຸດຍອດການລົງທຶນ, ການຄ້າ ລະຫວ່າງ ຈີນ ແລະ ອາຊຽນ ຄັ້ງນີ້ສຳເລັດຜົນແມ່ນມີຄວາມໝາຍສຳຄັນ ແລະ ມີຜົນສະທ້ອນຢ່າງເລິກເຊິ່ງກວ້າງຂວາງ.
ການນຳຫລາຍປະເທດເຂົ້າຮ່ວມງານຕະຫລາດນັດ ຈີນ -ອາຊຽນ
ພາບ: internet
|
ຕາມການຕີລາຄາຂອງຄະນະຈັດຕັ້ງແລ້ວ, ງານຕະຫລາດນັດ ຈີນ - ອຊຽນ ແລະ ກອງປະຊຸມສຸດຍອດດັ່ງກ່າວ ໄດ້ມີການເຂົ້າຮ່ວມຂອງການນຳຫລາຍປະເທດຄື: ຮອງປະທານປະເທດ ຈີນ ສີຈິ້ນຜິງ, ປະທານາທິບໍດີ ມ້ຽນມາ Thein Sein ແລະ ນາຍົກລັດຖະມົນຕີ ຫວຽດນາມ Nguyen Tan Dung, ນາຍົກລັດຖະມົນຕີ ລາວ ທອງສິງ ທຳມະວົງ …ພ້ອມກັບເຈົ້າຫນາທີ່ຂັ້ນລັດຖະມົນຕີ ເກືອບ 300 ທ່ານ ພ້ອມດ້ວຍຜູ້ຕາງຫນ້າການນຳບັນດາອົງການຈັດຕັ້ງສາກົນເປັນຈຳນວນຫລວງຫລາຍ.