ທ່ານຮອງນາຍົກລັດຖະມົນຕີຫງວຽນທ້ຽນເຍີນ ຊົມເຊີຍບັນດາ
ນັກວິທະຍາສາດສາກົນ
ພາບ:vov
|
(vovworld)- ຕອນເຊົ້າວັນທີ 17/8, ລາຍການພົບປະຫວຽດນາມຄັ້ງທີ 9 ຊື່ງແມ່ນເຫດການວິທະຍາສາດໃຫຍ່ກວ່າໝູ່ນັບແຕ່ກ່ອນມາຮອດປະຈຸບັນຢູ່ ຫວຽດນາມ ໄດ້ອັດລົງ ດ້ວຍບັນດາໝາກຜົນອັນດີງາມ. ມີຫລາຍຂໍ້ລິເລີ່ມດ້ານວິທະຍາສາດ, ຂໍ້ມູນຂ່າວສານໃຫມ່ກ່ຽວກັບຟີຊິກສາດ, ດາລາສາດ ແລະ ຈັກກະວານ ໂດຍແມ່ນບັນດານັກວິທະຍາສາດປຶກສາຫາລືທີ່ກອງປະຊຸມ. ລາຍການພົບປະຫວຽດນາມຄັ້ງທີ 9 ໄດ້ດຶງດູດການເຂົ້າຮ່ວມຂອງນັກວິທະຍາສາດກວ່າ 200 ທ່ານ ມາຈາກ 30 ປະເທດ ແລະ ເຂດແຄ້ວນໃນໂລກ. ພິເສດ ເຂົ້າຮ່ວມກອງປະຊຸມຍັງມີ ນັກວິທະຍາສາດ 5 ທ່ານທີ່ໄດ້ຮັບລາງວັນ Nobel ຟີຊິກສາດ ແລະ ຜູ້ຕາງຫນ້າບັນດາສູນຄົ້ນຄ້ວາວິທະຍາສາດຊັ້ນນຳຂອງໂລກ. ສາດສະດາຈານ ເຈີນແທງເວີນ, ປະທານສະມາຄົມພົບປະຫວຽດນາມ ຢູ່ ຝລັ່ງ, ຜູ້ມີການປະກອບສ່ວນອັນໃຫຍ່ຫລວງໃນການເຊື່ອມຕໍ່ວິທະຍາສາດໂລກກັບຫວຽດນາມ ໃຫ້ຮູ້ວ່າ: ຜົນສຳເລັດຂອງກອງປະຊຸມຈະຊ່ວຍໃຫ້ພື້ນຖານວິທະຍາສາດຫວຽດນາມ ພັດທະນາຕື່ມອີກ.
“ສິ່ງພວກຂ້າພະເຈົ້າຢາກສົ່ງເຖິງປະຊາຊົນ ແລະ ເພື່ອນຫນຸ່ມຫວຽດນາມນັ້ນ ແມ່ນ: ວິທະຍາສາດພື້ນຖານແມ່ນສິ່ງສຳຄັນໃຫ້ແກ່ອະນາຄົດຫວຽດນາມ. ພວກຂ້າພະເຈົ້າປາດຖະຫນາເຮັດແນວໃດເພື່ອໃຫ້ເພື່ອນຫນຸ່ມຫວຽດນາມ ມີກາລະໂອກາດໄປຮຽນຢູ່ຕ່າງປະເທດ, ຫລັງຈາກນັ້ນຈະກັບຄືນເມືອຮັບໃຊ້ປະເທດຊາດ.”