(vovworld) – ວັນທີ 03/07, ອິດສຣາແອນ ອອກຄຳຂາດໃຫ້ຂະບວນການອິດສລາມ Hamas ຂອງ ປາແລດສຕິນ ຮຽກຮ້ອງສະກັດກັ້ນບັນດາການຍິງລູກຈະຫຼວດ ຈາກເຂດກາຊາ ໃນຮອບເວລາ 48 ຊົ່ວໂມງ ຫຼື ແທນອາວີບ ຈະເປີດການບຸກໂຈມຕີໃສ່ເຂດກາຊາ. ບັນດາແຫຼ່ງຂ່າວຂອງປາແລດສຕິນ ໃຫ້ຮູ້ວ່າ ຄຳຂາດດັ່ງກ່າວໂດຍອົງການສືບລາຊະການລັບອີຢີບ ຝາກເຖິງຫົວໜ້າການເມືອງຂອງ Hamas, Musa Abu Marzuk. ກ່ອນໜ້ານັ້ນ, ໃນວັນດຽວກັນ, ທ່ານນາຍົກລັດຖະມົນຕີ ອິດສຣາແອນ Benjamin Netanyahu ຖະແຫຼງວ່າ ອິດສຣາແອນ ພວມກະກຽມໃຫ້ 2 ກໍລະນີ, ທີໜຶ່ງແມ່ນ ບັນດາມືປືນຢູ່ເຂດກາຊາ ຕ້ອງຢຸດຕິການຍິງລູກຈະຫຼວດໃສ່ອິດສຣາແອນ, ທີ່ສອງແມ່ນ ອິດສະຣາແອນ ຈະມີການກະທຳຢ່າງແຮງຖ້າວ່າການໃຊ້ຄວາມຮຸນແຮງສືບຕໍ່ຖືກດຳເນີນ. ທ່ານເສນາທິການໃຫຍ່ກອງທັບອິດສຣາແອນ Benny Gantz ກໍ່ເນັ້ນໜັກວ່າ ອິດສຣາແອນ ພວມຊອກຫາວິທີເພື່ອບໍ່ໃຫ້ຄວາມເຄັ່ງຕຶງປິນຂັ້ນໄດ, ແຕ່ຖ້າຫາກ Hamas ມີການກະທຳຕ້ານອິດສຣາແອນ, ປະເທດນີ້ຈະມີການເຄື່ອນໄຫວໂຕ້ຕອບ. ແລະກໍ່ໃນວັນດຽວກັນ, ກອງພົນນ້ອຍ al Qassam, ທີ່ໄດ້ປະກອບອາວຸດຂອງຂະບວນການອິດສລາມ Hamas, ໄດ້ກ່າວເຕື່ອນອິດສຣາແອນ ໄດ້ບຸກໂຈມຕີເຂົ້າເຂດກາຊາ.