(vovworld) – ວັນທີ 03/01, ເຈົ້າໜ້າທີ່ອິສຣາແອນ ທ່ານໜຶ່ງໃຫ້ຮູ້ວ່າ, ທ່ານນາຍົກລັດຖະມົນຕີອິດສຣາແອນ Benjamin Netanayhu ໄດ້ຕົກລົງໂຈະການມອບໃຫ້ຝ່າຍປາແລດສຕິນ ເງິນພາສີປະຈຳເດືອນ. ນີ້ແມ່ນການກະທຳແນໃສ່ໂຕ້ຕອບເລື່ອງ ປາແລດສຕິນ ໄດ້ຍື່ນຄຳຮ້ອງຂໍເຂົ້າຮ່ວມສານອາຍາສາກົນ (ICC) ຢ່າງເປັນທາງການ. ຕາມໜັງສືພິມ Haaretz, ບ້ວງເງິນດັ່ງກ່າວແມ່ນຈຳນວນເງິນເກັບພາສີທີ່ມີມູນຄ່າ 127 ລ້ານ USD, ຈຳນວນເງິນນັ້ນໄດ້ເກັບຈາກການຂົນສົ່ງສິນຄ້າເຂົ້າບັນດາເຂດດິນແດນຂອງປາແລດສຕິນ ຜ່ານອິດສຣາແອນ. ຕາມແຜນການ, ຈຳນວນເງິນໃນເດືອນ 12/2014 ຕ້ອງຖືກມອບໃຫ້ປາແລດສຕິນ ໃນວັນທີ 02/01.
ປະຕິກິລິຍາຕໍ່ຂໍ້ຕົກລົງດັ່ງກ່າວ, ທ່ານຫົວໜ້າຄະນະເຈລະຈາປາແລດສຕິນ Saeb Erekat ໄດ້ກ່າວຫາວ່າ ນີ້ແມ່ນໂທດກຳສົງຄາມໃໝ່ຂອງອິດສຣາແອນ. ແຕ່ວ່າ, ທ່ານກໍ່ຢືນຢັນ ປາແລດສຕິນ ຈະບໍ່ທໍ່ຖອຍໃຈຕໍ່ບັນດາຄວາມກົດດັນດັ່ງກ່າວ.