(vovworld) – ອົດສະຕາລີ ຈະດຳເນີນການເລືອກຕັ້ງໃນວັນທີ 7/9 ຈະມາເຖິງ. ແຈ້ງຂ່າວດັ່ງກ່າວໂດຍທ່ານນາຍົກລັດຖະມົນຕີ ອົດສະຕາລີ Kevin Rudd ປະກາດພາຍຫຼັງການພົບປະກັບຜູ້ມີອຳນາດເຕັມ Quetin Bryce ເມື່ອຕອນບ່າຍວັນທີ 4/8, ເພື່ອສະເໜີໃຫ້ທ່ານນາງຜູ້ມີອຳນາດເຕັມ ມີຂໍ້ຕົກລົງກ່ຽວກັບການຈັດການເລືອກຕັ້ງຢ່າງເປັນທາງການ. ຕາມທ່ານນາຍົກລັດຖະມົນຕີ Kevin Rudd ແລ້ວ, ການເລືອກຕັ້ງຄັ້ງນີ້ຈະສະແດງຄວາມໄວ້ເນື້ອເຊື່ອໃຈ ຂອງຜູ້ມີສິດເລືອກຕັ້ງ ອົດສະຕາລີ ຕໍ່ຜູ້ມີຄວາມສາມາດບໍລິຫານພື້ນຖານເສດຖະກິດ. ທ່ານ Kevin Rudd ໃຫ້ຄຳໝັ້ນສັນຍາວ່າພັກ ແຮງງານຈະເຮັດໃຫ້ງົບປະມານແຫ່ງລັດເຫຼືອເຟືອຄືນໃໝ່. ການຂົນຂວາຍຫາສຽງເລືອກຕັ້ງຂອງຝ່າຍຕ່າງໆຢູ່ ອົດສະຕາລີ ຍັງມີອີກ 5 ອາທິດ. ປະຈຸບັນ, ອັດຕາສະໜັບສະໜູນພັກແຮງງານ ແລະ ພັກຝ່າຍຄ້ານ ພວມຢູ່ໃນລະດັບທຽບເທົ່າກັນ.