ພາບປະກອບ:tinngan.vn
|
(vovworld)- ວັນທີ 22/2, ສຳນັກຂ່າວສານ ອົດສະຕາລີ (AAP) ໃຫ້ຮູ້ວ່າ: ບັນດາເຈົ້າຫນ້າທີ່ການຄ້າປະເທດນີ້ ພວມຮຽກຮ້ອງບັນດານັກສົ່ງອອກອາຫານ ຈົ່ງຍູ້ແຮງການສົ່ງເສີມບັນດາການເຄື່ອນໄຫວດ້ານການຄ້າຢູ່ ຫວຽດນາມ ເພື່ອຍາດທ່າໄດ້ປຽບຕະຫລາດທີ່ພວມພັດທະນານີ້. ຕາມການສັງເກດຂອງທ່ານນາງ Janelle Casey, ຜູ້ຮັກສາການ ກຳມະການການຄ້າຂັ້ນສູງຂອງ ອົດສະຕາລີ ກ່ຽວກັບຫວຽດນາມ ແລ້ວ, ບັນດາບໍລິສັດຂາຍຍ່ອຍ ແລະ ຂາຍຍົກ ຢູ່ ຫວຽດນາມ ພວມຕ້ອງການບັນດາຜະລິດຕະພັນສາກົນທີ່ມີຄຸນນະພາບສູງ ເພື່ອຕອບສະຫນອງຄວາມຕ້ອງການພາຍໃນປະເທດ. ທ່ານນາງ Casey ໃຫ້ຮູ້ວ່າ: ບັນດາຮ້ານຄ້າ ແລະ ບໍລິສັດນຳເຂົ້າຫວຽດນາມ ຢາກໄດ້ສຳຜັດກັບນ້ຳດື່ມປະເພດຕ່າງໆ ແລະ ອາຫານລ້ຽງປູກຢູ່ ອົດສະຕາລີ. ປະຈຸບັນ ບັນດາຜະລິດຕະພັນດັ່ງກ່າວພວມໄດ້ຮັບຄວາມນິຍົມຈາກຫວຽດນາມ ຍ້ອນຄຸນນະພາບສູງ. ຕາມຕົວເລກສະຖິຕິແລ້ວ, ອົດສະຕາລີ ກາຍເປັນຕະຫລາດຕົ້ນຕໍຂອງຫວຽດນາມ ໃນການສົ່ງອອກໂທລະສັບມືຖື ພວມເພີ່ມຂຶ້ນຢ່າງວ່ອງໄວ ດ້ວຍວົງເງິນສົ່ງອອກເພີ່ມຂຶ້ນກວ່າ 30% ໃນປີ 2015.