(vovworld) - ວັນທີ 23/11, ອິດສະຣາແອນ ເລີ່ມຕົ້ນຖອນທະຫານຈຳນວນໜຶ່ງອອກຈາກບໍລິເວັນຕິດກັບເຂດກາຊາ ໃນສະພາບຄວາມສະຫງົບເກືອບຄືວ່າໄດ້ກັບຄືນຢູ່ບັນດາເທດສະບານເມືອງພາກໃຕ້ອິດສະຣາແອນ ພາຍຫຼັງຂໍ້ຕົກລົງຢຸດຍິງລະຫວ່າງລັດຖະບານອິດສະຣາແອນ ກັບບັນດາມືປືນ ປາແລດສຕິນ ຢູ່ເຂດກາຊາ ມີຜົນສັກສິດໃນຕອນຄໍ່າວັນທີ 22/11. ແຕ່ຫຼາຍຄົນຍັງວິຕົກກັງວົນວ່າ ຂໍ້ຕົກລົງຢຸດຍິງຈະມີໄພຈະຫຼົ້ມເຫຼວເພາະຍັງເກີດການບຸກໂຈມຕີບາງຄັ້ງ. ມີລົດໂອໂຕຂົນສົ່ງທະຫານ ແລະ ບັນດາລົດບັນທຸກໃຫຍ່ຂົນສົ່ງລົດຖັງ, ລົດຫຸ້ນຫັຼກ, ລົດກວາດ ແລະ ບັນດາເຄື່ອງອຸປະກອນການທະຫານອື່ນໆພວມກັບຄືນຖານທີ່ໝັ້ນຢູ່ຫຼາຍເຂດຂອງປະເທດນີ້, ເປັນສັນຍານໃຫ້ເຫັນວ່າ ລັດຖະບານອິດສະຣາແອນ ພວມຖອນກຳລັງທີ່ຜັນຂະຫຍາຍຢູ່ມໍ່ກັບເຂດຊາຍແດນຕິດກັບກາຊາ. ເຖິງຢ່າງໃດກໍຕາມ, ປະຊາຊົນຍັງວິຕົກກັງວົນຂໍ້ຕົກລົງຢຸດຍິງຖືກຫຼົ້ມເຫຼວ ເພາະຍັງເກີດການຍິງປືນໃນວັນທີ 23/11, ໃນນັ້ນມີ 1 ຄົນເສຍຊີວິດ. ປາແລດສະຕິນ ກ່າວຫາທະຫານອິດສະຣາແອນ ໄດ້ຍິງປືນໃສ່ກຸ່ມຊາວກະສິກອນ ປາແລດສຕິນ, ເຊິ່ງເຮັດໃຫ້ 1 ຄົນເສຍຊີວິດ ແລະ 25 ຄົນຖືກບາດເຈັບ. ນີ້ແມ່ນການເສຍຊີວິດຄັ້ງທຳອິດ ນັບແຕ່ເວລາອິດສະຣາແອນ ແລະ ບັນດາມືປືນຢູ່ ປາແລດສະຕິນ ບັນລຸໄດ້ຂໍ້ຕົກລົງຢຸດຕິການປະທະກັນ.