ເດັກໆນອນຢູ່ແຄມທາງ ພາຍຫຼັງຖືກຍົກຍ້າຍອອກຈາກໂຮງໝໍ Nasser ຢູ່ນະຄອນ Khan Younis (ພາບ: REUTERS)

ໃນຖະແຫລງການຢ່າງເປັນທາງການຄັ້ງທຳອິດກ່ຽວກັບບັນຫາສ້າງຕັ້ງລັດ ປາແລດສະຕິນ ໃນຖານະຕຳແຫນ່ງເປັນລັດຖະມົນຕີການຕ່າງປະເທດ ອິດສະຣາແອນ ຄົນໃຫມ່ດ ວັນທີ 11 ພະຈິກ ທ່ານ Gideon Saar ຖືວ່າ: ເລື່ອງສ້າງຕັ້ງລັດ ປາແລດສະຕິນ ແມ່ນເປົ້າໝາຍບໍ່ເໝາະສົມກັບຕົວຈິງ, ລັດ ປາແລດສະຕິນ ຖ້າໄດ້ຮັບການສ້າງຕັ້ງ ຈະແມ່ນລັດ ຮາມາດ, ກຸ່ມປະກອບອາວຸດ ປາແລດສະຕິນ ຖືກ Tel Aviv ນຳເຂົ້າບັນຊີລາຍຊື່ກໍ່ການຮ້າຍ ແລະພວມໃນການສູ້ຢັນຢ່າງນອງເລືອດທີ່ແກ່ຍາວກວ່າ1 ປີຜ່ານມາ ຢູ່ເຂດ ກາຊາກັບ ອິດສະຣາແອນ. ຖະແຫລງການປະຕິເສດເລື່ອງສ້າງຕັ້ງລັດ ປາແລດສະຕິນ ຂອງທ່ານລັດຖະມົນຕີການຕ່າງປະເທດຄົນໃຫມ່ຂອງອິດສະຣາແອນ ໄດ້ຍົກອອກມາພາຍຫລັງ 1 ວັນທີ່ທ່ານປະທານາທິບໍດີ ປາແລດສະຕິນ Mahmoud Abbas ຢັ້ງຢືນ ຄວາມສະຫງົບປອດໄພ ແລະ ສະຖຽນລະພາບຢູ່ເຂດນີ້ ຈະບັນລຸໄດ້ກໍ່ຕໍ່ເມື່ອສ້າງຕັ້ງລັດ ປາແລດສະຕິນ ເອກະລາດ ແລະມີອະທິປະໄຕ.

ແລະກໍ່ໃນວັນດຽວກັນ, ກອງປະຊຸມສຸດຍອດ ອາຣັບ  ແລະອິດສະລາມ ໄດ້ອອກຖະແຫລງການຮ່ວມ ກ່າວປະນາມບັນດາການກະທຳຂອງອິດສະຣາແອນ ຢູ່ ເຂດກາຊາ ແລະ ລີບັງ, ລະດົມການຫນູນຊ່ວຍຈາກສາກົນ ເພື່ອສະກັດກັ້ນການເຂົ້າຮ່ວມຂອງອິດສະຣາແອນໃນ ສະຫະປະຊາຊາດ ກໍ່ຄືຢັ້ງຢືນ ລັກສະນະເປັນໃຈກາງຂອງພາລະກິດຊາວ ປາແລດສະຕິນ. ໃນຂະນະນັ້ນ ຕາມກະຊວງສາທາລະນະສຸກ ລີບັງ ແລ້ວ, ບັນດາການບຸກໂຈມຕີ ຂອງ ອິດສະຣາແອນ ເຂົ້າໃສ່ ລີບັງ ໃນວັນທີ 11 ພະຈິກ ໄດ້ເຮັດໃຫ້ມີຜູ້ເສຍຊີວິດຢ່າງຫນ້ອຍສຸດ 36 ຄົນ ແລະອີກສີບໆຄົນຮັບບາດເຈັບ.

ນັກຂ່າວ VOVປະຈຳ ອີຢີບ