ລົດທະຫານ ອິດສະຣາແອັນ ໄດ້ຜັນຂະຫຍາຍຢູ່ນະຄອນTubas ຢູ່ຝັ່ງຕາເວັນຕົກແມ່ນ້ຳຈໍແດນ (ພາບ: TTXVN)

ຖະແຫຼງການຮ່ວມລະຫວ່າງກຳລັງກອງທັບ ແລະ ກຳລັງຄວາມໝັ້ນຄົງ ອິດສະຣາແອັນ ໃຫ້ຮູ້ວ່າ ບັ້ນຮົບດັ່ງກ່າວ ມີການເຂົ້າຮ່ວມຂອງຫຼາຍກຳລັງ ແລະ ພາຫະນະການທະຫານຂອງ ອິດສະຣາແອັນ, ລວມມີກຳລັງກອງທັບ ແລະ ຄວາມໝັ້ນຄົງ, 4 ກອງພັນຕຳຫຼວດປ້ອງກັນຊາຍແດນ, ເຮືອບິນບໍ່ມີຄົນຂັບ (UAV), ລົດຫຸ້ມເກາະ, ລົດກວາດດິນ... ຕາມສະຫະສະມາຄົມຊີກວົງເດືອນແດງ ປາແລັດສະຕິນ ແລ້ວ, ຢ່າງໜ້ອຍສຸດ ມີຊາວ ປາແລັດສະຕິນ 10 ຄົນເສຍຊີວິດ ແລະ ຜູ້ໄດ້ຮັບບາດເຈັບ 15 ຄົນ ໃນເຫດບຸກໂຈມຕີຂອງ ອິດສະຣາແອັນ.

        ກ່ອນໜ້ານັ້ນ, ໃນວັນດຽວກັນ, ກຳລັງຄວາມໝັ້ນຄົງ ອິດສະຣາແອັນ ໄດ້ດຳເນີນການເຄື່ອນໄຫວການທະຫານ ເພື່ອແນໃສ່ 4 ນະຄອນຢູ່ເຂດຝັ່ງຕາເວັນຕົກແມ່ນ້ຳຈໍແດນ ຖືກຢຶດຄອງ, ລວມມີ: Jenin, Nablus, Tubas ແລະ Tulkarem. ກອງທັບ ອິດສະຣາແອັນ ຢັ້ງຢືນວ່າ ການເຄື່ອນໄຫວນີ້ ເພື່ອແນໃສ່ດັບສູນພາກສ່ວນກໍ່ການຮ້າຍ.

        ວັນທີ 28 ສິງຫາ, ສະຫະພັນ ອາຣັບ (AL) ໄດ້ກ່າວປະນາມຕຳໜິຕິຕຽນບັ້ນການທະຫານຂອງ ອິດສະຣາແອັນ ຢູ່ເຂດພາກເໜືອຝັ່ງຕາເວັນຕົກ ແລະ ຖະແຫຼງວ່າ ບັນດາການບຸກໂຈມຕີຂອງ ອິດສະຣາແອັນ ແມ່ນການເຮັດໃຫ້ຄວາມເຄັ່ງຕຶງເພີ່ມຂຶ້ນຢ່າງແຮງ ແລະ ນາບຂູ່ເຖິງທົ່ວພາກພື້ນ ຕາເວັນອອກກາງ.

ນັກຂ່າວ VOV ປະຈຳ ອີຢິບ