ອິດສະຣາແອນຜັນຂະຫຍາຍກຳລັງຢູ່ໜ້າດິນໄປຍັງເຂດGaza
ທະຫານອິດສະຣາແອນ ໄດ້ຜັນຂະຫຍາຍໃກ້ກັບເຂດຊາຍແດນກັບເຂດ Gaza ໃນວັນທີ 12/7
(ພາບ: AFP/TTXVN)
(vovworld) - ວັນທີ 13/7, ມີກຳລັງພິເສດຂອງທະຫານເຮືອກອງໜຶ່ງ ອິດສະຣາແອນ ໄດ້ເຂົ້າເຂດ Gaza ໃນເຫດບຸກໂຈມຕີຢູ່ໜ້າດິນຄັ້ງທຳອິດເລັ່ງໃສ່ເຂດດິນແດນນີ້, ໂດຍບໍ່ຫົວຊາຕໍ່ບັນດາຄຳຮຽກຮ້ອງຢຸດຍິງຢູ່ສະພາຄວາມໝັ້ນຄົງ ສະຫະປະຊາຊາດກ່ອນນັ້ນພຽງ 2, 3 ຊົ່ວໂມງ. ໂຄສົກກອງທັບ ອິດສະຣາແອນ ໄດ້ຍອມຮັບແຫຼ່ງຂ່າວດັ່ງກ່າວ ແລະ ໃຫ້ຮູ້ວ່າ: ສະຖານທີ່ເຊິ່ງກຳລັງພິເສດຂອງບຸກເຂົ້າແມ່ນບ່ອນທີ່ຂະບວນການ Hamas ຂອງ ປາແລດສະຕີນ ດຳເນີນບັນດາການຍິງລູກຈະຫຼວດໄລຍະສັ້ນແນ່ໃສ່ສາມັນຊົນອິດສະຣາແອນ, ໄດ້ເກີດການຍິງປືນຄັ້ງຕ່າງໆເຮັດໃຫ້ທະຫານ ອິດສະຣາແອນ ຖືກຮັບບາດເຈັບ, ແຕ່ກຳລັງທະຫານທັງໝົດໄດ້ກັບເມືອດ້ວຍຄວາມປອດໄພ. ນີ້ແມ່ນຄັ້ງທຳອິດກອງທັບ ອິດສະຣາແອນ ຍອມຮັບໄດ້ບຸກເຂົ້າເຂດ Gaza ນັບແຕ່ເມື່ອປະເທດນີ້ເປີດບັ້ນຮົບບຸກໂຈມຕີໂຕ້ຕອບທີ່ມີຊື່ເອີ້ນວ່າ: “ປົກປັກຮັກສາຊາຍແດນ” ແນໃສ່ຂະບວນການ Hamas.