(vovworld) – ຕາມສຳນັກຂ່າວສານ ຊີນຮວາ ແລ້ວ, ກອງທັບອິດສະຣາແອນ (IDF) ຖະແຫຼງປະຕິບັດຄຳສັ່ງຢຸດຍິງມະນຸດສະທຳໃນເວລາ 4 ຊົ່ວໂມງ, ເລີ່ມແຕ່ເວລາ 15 – 19 ໂມງ (ຕາມເວລາທ້ອງຖີ່ນ) ວັນທີ 30/7, ຢູ່ບັນດາເຂດ “ບໍ່ປະທະກັນ” ໃນເຂດ ກາຊາ. ຖະແຫຼງການຂອງ IDF ຊີ້ແຈ້ງວ່າ: ຄຳສັ່ງຢຸດຍິງນີ້ຈະບໍ່ນຳໃຊ້ສຳລັບບັນດາເຂດມີທະຫານ ອິດສະຣາແອນ ພວມເຄື່ອນໄຫວ. ຕາມບັນດາພາຫະນະສື່ມວນຊົນ ອິດສະຣາແອນແລ້ວ, ໃນຈຳນວນເຂດນີ້ມີ Beit Hanun ຢູ່ພາກເໜືອເຂດ ກາຊາ, ພາກຕາເວັນອອກເຂດ Shejayia, ພາກຕາເວັນອອກເທດສະບານ Khan Younes ແລະ Rafah. ນອກຈາກນັ້ນ, IDF ກໍ່ກ່າວເຕືອນປະຊາຊົນບໍ່ໄດ້ກັບຄືນເຂດເຊິ່ງເຂົາເຈົ້າໄດ້ຮຽກຮ້ອງຕ້ອງຍົກຍ້າຍແລ້ວ.