ທ່ານ ດີນເທຮູນປະທານສະພາທິດສະດີສູນກາງກ່າວຄຳເຫັນທີ່ກອງປະຊຸມ
ພາບ:TTXVN
|
(vovworld)- ສະໄຫມປະຊຸມຄັ້ງທີ 6 ສະພາທິດສະດີສູນກາງ ໄດ້ອັດລົງໃນວັນທີ 3/1 ຢູ່ ຮ່າໂນ້ຍ. ກ່າວຄຳເຫັນອັດກອງປະຊຸມ, ທ່ານ ດີນເທຮູນ (Đinh Thế Huynh) ກຳມະການກົມການເມືອງ, ຫົວຫນ້າຄະນະໂຄສະນາສຶກສາສູນກາງ, ປະທານສະພາທິດສະດີສູນກາງໄດ້ສະເຫນີບັນດາສະມາຊິກໃນສະພາ ຈົ່ງສຸມໃສ່ກະກຽມການສະຫລຸບ 3 ປີແຫ່ງການປ່ຽນແປງໃຫມ່,ຜັນຂະຫຍາຍໂຄງການຄົ້ນຄ້ວາວິທະຍາສາດ ທິດສະດີການເມືອງໄລຍະ 2011- 2015. ກ່ອນຫນ້ານັ້ນ, ບັນດາຜູ້ແທນໄດ້ປຶກສາຫາລືຮ່າງບົດລາຍງານໃຫ້ຄຳປຶກສາກ່ຽວກັບແຜນນະໂຍບາຍ, ມາດຕະການເປັນເຈົ້າການໃນການຮັບມືກັບການປ່ຽນແປງຂອງດິນຟ້າອາກາດ,ຍູ້ແຮງວຽກງານປົກປັກຮັກສາຊັບພະຍາກອນ ແລະ ສິ່ງແວດລ້ອມ ເພື່ອກະກຽມບັນດາແຜນຮ່າງຍື່ນສະເຫນີຕໍ່ກອງປະຊຸມສູນກາງຄັ້ງທີ 7. ທ່ານ ເຈີນກວັກຕວ໋ານ, ກຳມະການສະພາທິດສະດີສູນກາງ ໃຫ້ຮູ້ວ່າ:
“ໃນໄລຍະຍາວ, ຮູບແບບການເຕີບໂຕແມ່ນຕາມລວງກວ້າງ ຕິດພັນກັບເລື່ອງຊັບພະຍາກອນ, ທີ່ດິນ, ໂລຫະຖືກຂຸດຄົ້ນເກີນຂອບເຂດ, ເຮັດໃຫ້ຊີວະນາໆພັນ, ຊັບພະຍາກອນຊີວະພາບສືບຕໍ່ຖືກຊຸດໂຊມ. ນີ້ແມ່ນບັນຫາຕ້ອງໄດ້ຮັບການແກ້ໄຂໃນໄລຍະຈະມາເຖິງ. ອີກດ້ານຫນຶ່ງ ຫວຽດນາມ ມີກວ່າ 60% ແຫລ່ງນ້ຳແມ່ນຂຶ້ນກັບບັນດາປະເທດບ້ານໃກ້ເຮືອນຄຽງ. ນີ້ແມ່ນສິ່ງທ້າທາຍສຳລັບ ຫວຽດນາມ ໃນການຄ້ຳປະກັນແຫລ່ງນ້ຳ, ຄຸນນະພາບນ້ຳ, ສິ່ງແວດລ້ອມ, ການແກ້ໄຂມົນລະພິດ, ຮັບປະກັນການພັດທະນາເສດຖະກິດແບບຍືນຍົງຂອງ ຫວຽດນາມ ຢູ່ ລຸ່ມແມ່ນ້ຳ.”