![ອິນເດຍ ກ່າວເຕືອນ ປາກິສະຖານ ກ່ຽວກັບການປະທະກັນຢູ່ Kashmir - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2013_01_16/an do.jpeg)
ທ່ານນາຍົກລັດຖະມົນຕີ ອິນເດຍ Manmohan Singh
ພາບ: internet
|
(vovworld) - ວັນທີ 15/1, ທ່ານນາຍົກລັດຖະມົນຕີ ອິນເດຍ Manmohan Singh ໄດ້ກ່າວເຕືອນວ່າ: ທຸກສິ່ງທຸກຢ່າງຈະບໍ່ກັບຄືນຄວາມເປັນປົກກະຕິ ກັບປະເທດບ້ານໃກ້ເຮືອນຄຽງ ປາກິສະຖານ ໄດ້ ພາຍຫລັງການປະທະກັນເກີດຂຶ້ນຢູ່ລຽບຕາມເຂດຊາຍແດນ Kashmir ໃນອາທິດຜ່ານມາ. ກ່າວຄຳເຫັນກັບວົງການນັກຂ່າວຢູ່ນອກພິທີຂອງກອງທັບ, ທ່ານນາຍົກລັດຖະມົນຕີ Manmohan Singh ໄດ້ຢືນຢັນວ່າ ການປະທະກັນບໍ່ສາມາດຮັບຮູ້ໄດ້ ແລະ ຜູ້ຮັບຜິດຊອບຕໍ່ໂທດກຳດັ່ງກ່າວຈະຖືກລົງໂທດ. ຄຳຖະແຫລງຂອງທ່ານນາຍົກລັດຖະມົນຕີ ອິນເດຍ ຖືກຍົກອອກມາພາຍຫລັງຜູ້ບັນຊາການກອງທັບສອງປະເທດໄດ້ຕຳນິຕິຕຽນເຊິ່ງກັນ ແລະ ກັນ ກ່ຽວກັບເຫດການຍິງປືນໃສ່ກັນຢູ່ເຂດຊາຍແດນ. ນາຍພົນ Bikram Singh ຫົວຫນ້າເສນາທິການກອງທັບ ອິນເດຍ ໄດ້ອອກຄຳສັ່ງວ່າ ຈະເດັດດ່ຽວໂຕ້ຕອບບໍ່ວ່າເຫດການຍິງປືນຄັ້ງໃຫມ່ໃດຢູ່ເຂດຊາຍແດນ.