ບັນດາການນຳ ອາຊຽນ ແລະ ອິນເດຍ ເຂົ້າຮ່ວມກອງປະຊຸມ

ໂດຍສືບຕໍ່ບັນດາການເຄື່ອນໄຫວໃນຂອບເຂດກອງປະຊຸມສຸດຍອດ ອາຊຽນ ຄັ້ງທີ 33 ແລະ ບັນດາກອງປະຊຸມທີ່ກ່ຽວຂ້ອງ, ຕອນເຊົ້າວັນທີ 15 ພະຈິກ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ພ້ອມກັບບັນດາການນຳ ອາຊຽນ ແລະ ອິນເດຍ ໄດ້ກິນພ້ອມກັນຮັບປະທານອາຫານ ແລະ ເຮັດວຽກນຳກັນແບບບໍ່ເປັນທາງການ.

        ນະທີ່ນີ້, 2 ຝ່າຍໄດ້ຢັ້ງຢືນຄືນໃໝ່ຄວາມຕັດສິນຍູ້ແຮງຄູ່ຮ່ວມມືຍຸດທະສາດ ອາຊຽນ - ອິນເດຍ ເພື່ອສັນຕິພາບ, ສະຖຽນລະພາບ ແລະ ວັດທະນາຖາວອນຢູ່ພາກພື້ນ. ບັນດາການນຳ ອາຊຽນ ຕີລາຄາສູງເລື່ອງ ອິນເດຍ ໄດ້ສະໜັບສະໜູນບົດບາດເປັນໃຈກາງກໍ່ຄືຄວາມມານະພະຍາຍາມຮ່ວມສຳພັນໃນພາກພື້ນ, ກໍ່ສ້າງປະຊາຄົມຂອງ ອາຊຽນ. 2 ຝ່າຍໄດ້ເຫັນດີເປັນເອກະພາບສືບຕໍ່ເພີ່ມທະວີການພົວພັນຮ່ວມມືຮອບດ້ານ, ເປັນຕົ້ນແມ່ນບັນດາຂົງເຂດເຊິ່ງຕ່າງຝ່າຍຕ່າງມີຜົນປະໂຫຍດລວມຄືເສດຖະກິດ - ການຄ້າ - ການລົງທຶນ, ການສຶກສາ, ການທ່ອງທ່ຽວ…ທ່ານນາຍົກລັດຖະມົນຕີ ອິນເດຍ Narendra Modi ໄດ້ຢືນຢັນວ່າ ອິນເດຍ ສືບຕໍ່ຍູ້ແຮງນະໂຍບາຍ “ມຸ່ງໄປສູ່ທິດຕາເວັນອອກ”, ແບ່ງປັນທັດສະນະຂອງ ອິນເດຍ ກ່ຽວກັບເລື່ອງຊຸກຍູ້ການຮ່ວມມືຢູ່ພາກພື້ນມະຫາສະໝຸດອິນເດຍ ແລະ ປາຊີຟິກ. ທ່ານນາຍົກລັດຖະມົນຕີ Modi ໄດ້ປະກາດວ່າ ອິນເດຍ ສະໜອງ 1 ຕື້ USD ໃຫ້ແກ່ບັນດາການເຄື່ອນໄຫວເຊື່ອມຕໍ່ພື້ນຖານໂຄງລ່າງ ແລະ ຮ່ວມມືດີຈີຕອນ, ສືບຕໍ່ໂຄງການຮ່ວມມືດີຈີຕອນກັບບັນດາປະເທດອະນຸພາກພື້ນແມ່ນ້ຳຂອງ CLMV  (ກຳປູເຈຍ, ລາວ, ມຽນມາ, ຫວຽດນາມ), ມອບທຶນການສຶກສາ 1000 ທຶນໃຫ້ບັນດາປະເທດ ອາຊຽນ…

        ກ່າວຄຳເຫັນທີ່ການພົບປະ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ສະໜັບສະໜູນ ອາຊຽນ ແລະ ອິນເດຍ ຍູ້ແຮງການຮ່ວມມືເສດຖະກິດ, ຄວາມໝັ້ນຄົງທາງທະເລ, ການຄ້າ; ການລົງທຶນ; ເຊື່ອມຕໍ່, ໃນນັ້ນ ມີການກໍ່ສ້າງເສັ້ນທາງຄວາມໄວສູງເຊື່ອມຕໍ່ ອິນເດຍ ກັບບັນດາປະເທດແມ່ຂອງ ແລະ ບັນດາໂຄງການອື່ນຢູ່ພາກພື້ນນີ້…ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ການຮັກສາສະພາບແວດລ້ອມແຫ່ງການສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພໃນການເດີນເຮືອ, ການບິນ ແມ່ນມີຄວາມໝາຍສຳຄັນສຳລັບບັນດາປະເທດທັງໝົດ, ເປັນຕົ້ນແມ່ນບັນດາປະເທດແຄມທະເລ, ຊົມເຊີຍ ແລະ ຕີລາຄາສູງການສະໜັບສະໜູນຂອງ ອິນເດຍ ຕໍ່ບັນດາຫຼັກການ ແລະ ຫຼັກໝັ້ນຂອງ ອາຊຽນ ໃນບັນຫານີ້, ບົນພື້ນຖານຄວາມເໝາະສົມ ແລະ ເຄົາລົບກົດໝາຍສາກົນ, ໃນນັ້ນ ມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ 1982.