(vovworld) – ໃນບົດກ່າວປາໄສສຳຄັນທີ່ການເຈລະຈາອິນເດຍ - ອາຊຽນ ຄັ້ງທີ 8 (ການເຈະລຈາ Delhi VIII) ຫາກໍດຳເນີນຢູ່ນະຄອນຫຼວງ New Delhi, ທ່ານນາງລັດຖະມົນຕີວ່າການກະຊວງການຕ່າງປະເທດອິນເດຍ Sushma Swaraj ໄດ້ຮຽກຮ້ອງໃຫ້ປັກກິງ ບໍ່ຄວນມີການກະທຳພຽງລຳພັງຝ່າຍດຽວໃດໆ ອາດກໍ່ຄວາມເຄັ່ງຕຶງພາກພື້ນ, ໃນສະພາບທີ່ອາເມລິກາ ຢັ້ງຢືນເລື່ອງຈີນ ໄດ້ຕິດຕັ້ງລູກສອນໄຟໜ້າດິນຕ້ານເທິງອາກາດຢູ່ເກາະຟຸ໋ເລີມ, ຂຶ້ນກັບໝູ່ເກາະຮ່ວາງຊາ ຂອງຫວຽດນາມ. ທ່ານນາງ Swaraj ເນັ້ນໜັກວ່າ ການພັດທະນາຂອງພື້ນຖານເສດຖະກິດຂຽວ ແລະ ນຳໃຊ້ບັນດາແຫຼ່ງຊັບພະຍາກອນທະເລພຽງປະຕິບັດໄດ້ໃນຂອບເຂດບັນດາຫຼັກການ ແລະ ມາດຕະຖານເຊິ່ງໄດ້ຮັບການຮັບຮູ້ຈາກສາກົນເທົ່ານັ້ນ.
ໃນບົດກ່າວໄປໄສຂອງໂຄສົກກະຊວງການຕ່າງປະເທດອີນເດຍ Vikas Swarup ຢືນຢັນວ່າ, ສິ່ງສຳຄັນແມ່ນຕ້ອງຮັບປະກັນການປະຕິບັດຢ່າງເຂັ້ມງວດ ແລະ ປະສິດທິຜົນ ຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ປີ 2002 ແລະ ສິ້ນສຸດການເຈລະຈາເພື່ອສ້າງຕັ້ງປະມວນຂໍ້ກຳນົດການປະພຶດຂອງຝ່າຍຕ່າງຢູ່ທະເລຕາເວັນອອກ (COC) ບົນພື້ນຖານຄວາມເຫັນດີເຫັນພ້ອມ. ສິ່ງດັ່ງກ່າວຈະປະກອບສ່ວນສຳຄັນເຂົ້າໃນສັນຕິພາບ ແລະ ສະຖຽນລະພາບໃນພາກພື້ນ.