ທ່ານນາຍົກລັດຖະມົນຕີ Modi ຕ້ອນຮັບ ພົນເອກ ໂງຊວນລີກ
|
(vovworld) – ໃນຂອບເຂດການຢ້ຽມຢາມ ອິນເດຍ ຢ່າງເປັນທາງການແຕ່ວັນທີ 4 – 7/12/2016, ທ່ານ ພົນເອກ ໂງຊວນລີກ, ລັດຖະມົນຕີກະຊວງປ້ອງກັນປະເທດ ແລະ ຄະນະຜູ້ແທນການທະຫານຂັ້ນສູງ ຫວຽດນາມ ມີການພົບປະກັບທ່ານນາຍົກລັດຖະມົນຕີ ອິນເດຍ Narendra Modi ທີ່ສຳນັກງານນາຍົກລັດຖະມົນຕີຢູ່ ນິວເດລີ ໃນຕອນຄ່ຳວັນທີ 5/12. ທ່ານນາຍົກລັດຖະມົນຕີ Modi ໄດ້ຕີລາຄາສູງການພົວພັນ ອິນເດຍ ແລະ ຫວຽດນາມ ເວົ້າລວມ ແລະ ການພົວພັນດ້ານປ້ອງກັນຊາດເວົ້າສະເພາະ. ທ່ານນາຍົກລັດຖະມົນຕີ Modi ໄດ້ສະແດງຄວາມເບີກບານມ່ວນຊື່ນກ່ຽວກັບຄວາມຄືບໜ້າໃນການພົວພັນລະຫວ່າງ 2 ປະເທດໃນໄລຍະຜ່ານມາ, ໃນນັ້ນໄດ້ຕີລາຄາສູງໝາກຜົນຂອງການຮ່ວມມືໃນຂົງເຂດປ້ອງກັນຊາດ ແລະ ຢັ້ງຢືນວ່າ ຍາມໃດ ອິນເດຍ ກໍ່ຢູ່ຄຽງຂ້າງ ຫວຽດນາມ ໃນຈຸດເວລາປະສົບກັບຄວາມຫຍູ້ງຍາກ, ຖືການຮັກສາ ແລະ ຊຸກຍູ້ການພົວພັນມິດຕະພາບ, ການຮ່ວມມືຫຼາຍດ້ານກັບ ຫວຽດນາມ ຢ່າງບໍ່ຢຸດຢັ້ງ ແລະ ອວຍພອນໃຫ້ການຢ້ຽມຢາມຂອງຄະນະປະສົບຜົນສຳເລັດຢ່າງຈົບງາມ.
ທ່ານພົນເອກ ໂງຊວນລີກ ຂອບອົກຂອບໃຈຕໍ່ທ່ານນາຍົກລັດຖະມົນຕີ Modi ໄດ້ສະຫງວນເວລາຕ້ອນຮັບຄະນະ, ສະແດງຄວາມປາດຖະໜາວ່າ ອິນເດຍ ຈະສືບຕໍ່ສະຫງວນບັນດາຜົນງານອັນໃຫຍ່ຫຼວງກ່ວາອີກໃນພາລະກິດສ້າງສາປະເທດໃຫ້ວັດທະນາຖາວອນ.
ໃນການຢ້ຽມຢາມ, ທ່ານລັດຖະມົນຕີ ໂງຊວນລີກ ມີການພົບປະກັບທ່ານ Ajit Kumar Doval, ທີ່ປຶກສາຄວາມສະຫງົບແຫ່ງຊາດ ອິນເດຍ, ຢ້ຽມຢາມ ແລະ ເຮັດວຽກຢູ່ສູນໄຈ້ແຍກ ແລະ ຄຸ້ມຄອງຂໍ້ມູນຂ່າວການທະຫານ (IMAC) ຂຶ້ນກັບກອງບັນຊາການທະຫານເຮືອ ອິນເດຍ, ຢ້ຽມຢາມກອງບັນຊາການກອງທັບອາກາດ ອິນເດຍ.