(vovworld) – ວັນທີ 3/11, ເຈົ້າໜ້າທີ່ຂັ້ນສູງຂອງ ອິນເດຍ ໃຫ້ຮູ້ວ່າ: ປະເທດນີ້ ແລະ ປາກິດສະຖານ ຈະຢຸດການແລກປ່ຽນການຄ້າ ໃນເວລາ 3 ວັນຜ່ານດ່ານຊາຍແດນ Wagah ໃກ້ນະຄອນທາງພາກຕາເວັນອອກ Lahore ຂອງປາກິດສະຖານ, ຕາມຂໍ້ສະເໜີຈາກຝ່າຍ Islamabad. ແລະກໍ່ໃນວັນດຽວກັນ, 2 ປະເທດໄດ້ຢຸດພິທີການທະຫານ, ທີ່ເຄີຍໄດ້ຮັບການຈັດຕັ້ງປະຈຳວັນຢູ່ເຂດຊາຍແດນ ປາກິດສະຖານ ແລະ ອິນເດຍ. ນີ້ແມ່ນຄັ້ງທຳອິດພິທີການທະຫານໄດ້ຢຸດລົງ ນັບແຕ່ສົງຄາມລະຫວ່າງ 2 ປະເທດ ໃນປີ 1971. ບັນດາການກະທຳ ດັ່ງກ່າວໄດ້ຍົກອອກມາພາຍຫຼັງການບຸກໂຈມຕີສະຫລະຊີບຢູ່ປາກິດສະຖານ ໃກ້ກັບດ່ານຊາຍແດນ Wagah, ເຮັດໃຫ້ຢ່າງໜ້ອຍສຸດມີ 55 ຄົນເສຍຊີວິດ ແລະ 200 ຄົນຖືກບາດເຈັບພຽງໜຶ່ງວັນ. ກຳລັງ ຕາລີບານ ຢູ່ປາກິດສະຖານ ໄດ້ຮັບຮູ້ດຳເນີນການວາງລະເບີດນີ້ເພື່ອໂຕ້ຕອບບັ້ນກວາດລ້າງຂອງກອງທັບປະເທດນີ້. ເຖິງວ່າເຂດ ດິນແດນ ອິນເດຍ ບໍ່ຖືກຜົນສະທ້ອນຍ້ອນເຫດວາງລະເບີດດັ່ງກ່າວກໍ່ຕາມ, ແຕ່ທະຫານຢູ່ບັນດາເຂດລຽບຕາມຊາຍແດນກັບ ປາກິດສະຖານ ຖືກຕັ້ງໃນສະພາບເຕືອນໄພສູງ.