(vovworld) - ທ່ານຮອງປະທານາທິບໍດີອິນໂດເນເຊຍ Jusuf Kalla ໄດ້ກະຕຸກຊຸກຍູ້ບັນດາປະເທດສະມາຊິກອາຊຽນ ເພີ່ມທະວີການຮ່ວມມືດ້ານປ້ອງກັນຄວາມສະຫງົບ ເພື່ອແນໃສ່ກີດຂວາງພວກໂຈນສະລັກ ພວມເຄື່ອນໄຫວຢູ່ຊ່ອງທະເລ ມາລາກາ, ເຊິ່ງແມ່ນໜຶ່ງໃນບັນດາເສັ້ນທາງຂົນສົ່ງທາງທະເລຟົດຟື້ນທີ່ສຸດໃນໂລກ. ຄຳຮຽກຮ້ອງນີ້ຖືກຍົກອອກມາພາຍຫຼັງກຳປັ່ນ ຊັກທຸງສິງກະໂປ ລຳໜ່ຶງ ຖືກໂຈນສະລັກບຸກໂຈມຕີຢູ່ເຂດທະເລນີ້ໃນສັບປະດາກ່ອນ. ວັນທີ 10/08, ກ່າວຄຳເຫັນຢູ່ນະຄອນຫຼວງ ຈາກາກຕາ, ທ່ານຮອງປະທານນາທິບໍດີອິນໂດເນເຊຍ ເນັ້ນໜັກວ່າ, ການລາດຕາເວັນຮ່ວມແມ່ນມາດຕະການທີ່ມີປະສິດທິຜົນທີ່ສຸດ ເພື່ອສະກັດກັ້ນບໍ່ໃຫ້ພວກໂຈນສະລັກ ໜີຈາກປະເທດນີ້ໄປລິຊ້ອນຢູ່ປະເທດອື່ນ. ບັນດາປະເທດອາຊຽນ ກໍຕ້ອງເພີ່ມທະວີການຮ່ວມມືລຽບຕາມເຂດນ່ານທະເລເພື່ອສະກັດກັ້ນໂຈນສະລັກໜີໄປ.