ສະພາສະຫະພາບ ເອີຣົບ ລວມມີ 28 ປະເທດສະມາຊິກໄດ້ຕໍ່ກຳນົດເວລາປະຕິບັດບັນດາມາດຕະການລົງໂທດສຳລັບບັນດາຂົງເຂດເສດຖະກິດພິເສດຂອງ ລັດເຊຍ ຈົນຮອດວັນທີ 31 ກໍລະກົດ 2018 ແລະ ມີຄວາມເສຍດາຍວ່າ ບັນດາຂໍ້ຕົກລົງກ່ຽວກັບການປະຕິບັດສັນຍາ Minsk ກ່ຽວກັບການສ້າງຄຳສັ່ງຢຸດຍິງຢູ່ ພາກຕາເວັນອອກ ຢູແກຼນ ບໍ່ໄດ້ປະຕິບັດຢ່າງຄົບຖ້ວນ.

        ບັນດາມາດຕະການລົງໂທດຂອງ ອີຢູ ສຳລັບ ລັດເຊຍສ່ວນໃຫຍ່ແມ່ນເລັ່ງໃສ່ບັນດາຂົງເຂດພິເສດສະເພາະຄື: ພະລັງງານ, ການປ້ອງກັນຊາດ ແລະ ການເງິນ ແລະ ຫ້າມຊາວ ເອີຣົບ ລົງທຶນເຂົ້າ ລັດເຊຍ. ສ່ວນຝ່າຍ ມົດສະກູ ກໍ່ຕອບໂຕ້ດ້ວຍການສ້າງຄຳສັ່ງຂວ້ຳບາດສຳລັບບັນດາຜະລິດຕະພັນອາຫານປຸງແຕ່ງຈາກ ເອີຣົບ.