ວັນທີ 24 ມັງກອນ, ທ່ານນາຍົກລັດຖະມົນຕີ ໂອຕາລິດ Sebastian Kurz ແຈ້ງໃຫ້ ອັງກິດ ຮັບຊາບວ່າ ສະຫະພາບເອີຣົບ (ອີຢູ) ພ້ອມແລ້ວທີ່ຈະເລື່ອນກໍານົດເວລາ ອັງກິດ ຖອນຕົວອອກຈາກ ສະຫະພາບເອີຣົບ ຢ່າງເປັນທາງການ ເຊິ່ງໄດ້ຄາດວ່າ ຈະດໍາເນີນໃນວັນທີ 29 ມີນາ, ພ້ອມທັງຢັ້ງຢືນວ່າ ອີຢູ ປາດຖະໜາຢາກເລື່ອນວັນເວລາກໍານົດດັ່ງກ່າວໄປຮອດເດືອນພຶດສະພາ ພານຫຼັງການເລືອກຕັ້ງລັດຖະສະພາເອີຣົບ. ກ່າວຄໍາເຫັນທີ່ເວທີປາໄສເສດຖະກິດໂລກ ຢູ່ Davos, ປະເທດສະວິດ, ທ່ານນາຍົກລັດຖະມົນຕີ Kurz ໃຫ້ຮູ້ວ່າ ອີຢູ ໄດ້ກະກຽມ ເພື່ອປະຕິບັດທຸກສິ່ງທຸກຢ່າງທີ່ສາມາດ ເພື່ອຫຼີກລ້ຽງກໍລະນີ Brexit ບໍ່ມີຂໍ້ຕົກລົງ ຖ້າຫາກ ອັງກິດ ກໍປາດຖະໜາສິ່ງດັ່ງກ່າວ.

        ແລະກໍໃນວັນດຽວກັນ, ບັນດາສະມາຊິກລັດຖະສະພາແຖວໜ້າຂອງສະຫະພາບເອີຣົບ (ອີຢູ) ກ່າວເຕືອນວ່າ ຈະບໍ່ຮັບຮອງເອົາຂໍ້ຕົກລົງ ອັງກິດ ຖອນຕົວອອກຈາກ ອີຢູ, ຖ້າຫາກຂໍ້ຕົກລົງສະບັບດັ່ງກ່າວ ບໍ່ລະບຸບັນດາມາດຕາຮັບປະກັນໃນບັນຫາເສັ້ນຊາຍແດນຂອງ ອຽກລັງ.