ອີຢູ ສະໜັບສະໜູນໃຫ້ສືບຕໍ່ການຈໍາກັດຄົນເຂົ້າເມືອງ
(VOVWORLD) -ວັນທີ 8 ພຶດສະພາ, ຄະນະກໍາມະການເອີຣົບ (EC) ໃຫ້ຮູ້ວ່າ ອີຢູ ສະໜັບສະໜູນເລື່ອງໃຫ້ສືບຕໍ່ຈໍາກັດຄົນເຂົ້າເມືອງ ພາຍໃນ 30 ວັນ ຕື່ມອີກ, ໝາຍຄວາມວ່າ ຮອດກາງເດືອນ ມິຖຸນາ ເພື່ອແນໃສ່ສະກັດກັ້ນການແຜ່ລະບາດຂອງໂລກລະບາດໂຄວິດ - 19.
 ຊາຍແດນລະຫວ່າງ ໂປໂລຍ ກັບ ຢູແກຼນ ຢູ່ Dorohusk ໃນຍາມເກີດໂລກລະບາດ (ພາບ: TTXVN) |
ປັດຈຸບັນ, ມີຢ່າງໜ້ອຍສຸດ 17 ປະເທດໃນເຂດ Schengen ນໍາໃຊ້ການຈໍາກັດການໄປມາຫຼາຍລະດັບແຕກຕ່າງກັນ. ຕາມທ່ານ Ylva Johansson ກໍາມະການເອີຣົບ ທີ່ຮັບຜິດຊອບກ່ຽວກັບບັບດາບັນຫາພາຍໃນກຸ່ມແລ້ວ, ບັນດາການຈໍາກັດກ່ຽວກັບການໄປມາຢ່າງເສລີ ແລະ ຄວບຄຸມຊາຍແດນພາຍໃນກຸ່ມ ຈະຄ່ອຍໆຍົກເລີກເທື່ອລະໜ້ອຍ ກ່ອນທີ່ຈະຍົກເລີກບັນດາມາດຕະການຄ້າຍຄືກັນສໍາລັບຊາຍແດນພາຍນອກ ແລະ ຮັບປະກັນສິດເຂົ້າເມືອງ ຍ້ອນບັນດາຈຸດປະສົງທີ່ບໍ່ຈໍາເປັນໃຫ້ແກ່ບັນດາຜູ້ຄົນທີ່ບໍ່ແມ່ນພົນລະເມືອງຂອງ ອີຢູ.
ໃນວັນດຽວກັນ, ລັດຖະມົນຕີບັນດາປະເທດທີ່ນໍາໃຊ້ສະກຸນເງິນເອີໂຣ ໄດ້ຮັບຮອງເອົາຈໍານວນເງິນຂຶ້ນເຖິງ 240 ຕື້ ເອີໂຣ ຢ່າງເປັນທາງການ ເພື່ອໜູນຊ່ວຍບັນດາປະເທດເອີຣົບ ທີ່ພວມປະສົບກັບຄວາມຫຍຸ້ງຍາກ ຍ້ອນໂລກລະບາດໂຄວິດ - 19.