(vovworld) - ສະພາບການຢູ່ອີຢີບ ພວມເຄັ່ງຕຶງຂຶ້ນຕື່ມໃນແຕ່ລະຊົ່ວໂມງ ກ່ອນທີ່ເກີດບັນດາການແຫ່ຂະບວນປະທ້ວງທີ່ມີຂອບຂະໜາດໃຫຍ່ ແລະ ແກ່ຍາວຂອງຝ່າຍຄ້ານ, ເຊິ່ງດຳເນີນໃນຕອນບ່າຍວັນທີ 30/06, ເນື່ອງໃນໂອກາດສະເຫຼີມສະຫຼອງ 1 ປີແຫ່ງວັນທີ່ທ່ານປະທານາທິບໍດີ Mohamed Morsi ຂຶ້ນກຳອຳນາດ. ວັນທີ 29/06, ບັນດາ ວີດີໂອ ໃນ Facebook ສ່ວນຕົວ, ການນຳ 2 ທ່ານຂອງແນວໂຮມກູ້ຊາດ (NSF) ແມ່ນທ່ານ Mohamed ElBaradei ແລະ ທ່ານ Hamdeen Sabbahi ໄດ້ກະຕຸກຊຸກຍູ້ປະຊາຊົນລົງຖະໜົນເພື່ອແຫ່ຂະບວນປະທ້ວງໃນວັນທີ 30/06 ແນໃສ່ກໍ່ຄວາມກົດດັ່ນຮຽກຮ້ອງໃຫ້ຈັດຕັ້ງການເລືອກຕັ້ງປະທານາທິບໍດີກ່ອນກຳນົດເວລາ. ຕອນຄໍ່າວັນທີ 29/06, ຜູ້ແຫ່ຂະບວນປະທ້ວງນັບພັນໆຄົນ ໄດ້ເຕົ້າໂຮມຢູ່ສະໜາມຫຼວງໃຫຍ່ໃນນະຄອນຫຼວງ ກາຍໂຣ ແລະ ບັນດາແຂວງ, ນະຄອນຂອງທົ່ວປະເທດຮ້ອງໂຮຄຳຂວັນຄັດຄ້ານທ່ານ Morsi ພ້ອມກັບຂະບວນການອ້າຍນ້ອງມຸດສະລິມ ແລະ ຮຽກຮ້ອງໃຫ້ກອງທັບກັບຄືນກຳອຳນາດ.