(vovworld) - ວັນທີ 17/07, ທີ່ກອງປະຊຸມລັບໃນຂອງເຂດກອງປະຊຸມສຸດຍອດພັນທະມິດອາຟະລິກາ (AU) ຄັ້ງທີ 27, ຖືກດຳເນີນໃນລະຫວ່າງວັນທີ 10 – 18/07, ຢູ່ນະຄອນຫຼວງ Kigali ຂອງ Rwanda, ທ່ານປະທານາທິບໍດີອີຢິບ Abdel – Fattah El Sisi ໄດ້ກະຕຸກຊຸກຍູ້ບັນດາການນຳ ອາຟະລິກາ ຍູ້ແຮງຄວາມມານະພະຍາຍາມເພື່ອມຸ່ງໄປເຖິງການສ້າງຕັ້ງເຂດການຄ້າເສລີອາຟະລິກາ (CFTA). ທຳນຽບປະທານາທິບໍດີອີຢິບ ໃຫ້ຮູ້ວ່າ, ທີ່ກອງປະຊຸມຄັ້ງນີ້, ທ່ານ El Sisi ໄດ້ເນັ້ນໜັກເຖິງຄວາມສຳຄັນຂອງ CFTA, ພ້ອມທັງສະແດງຄວາມປາດຖະໜາວ່າ ບັນດາການເຈລະຈາກ່ຽວຂ້ອງເຖິງຂໍ້ຕົກລົງນີ້ຈະບັນລຸຜົນສຳເລັດໂດຍໄວຄືດັ່ງຄວາມມຸ່ງຫວັງ. ການນຳອີຢິບ ໄດ້ຢືນຢັນຄືນໃໝ່ຜົນສຳເລັດກອນນັ້ນຂອງກອງປະຊຸມເສດຖະກິດພາກພື້ນ ຖືກດຳເນີນຢູ່ນະຄອນພັກຜ່ອນບຳລຸງສຸຂະພາບ Sharm El Sheikh ຂອງອີິຢິບ ເມື່ອເດືອນ 06/2015, ໃນນັ້ນບັນດາການນຳອາຟະລິກາ ໄດ້ເຫັນດີໂຮມ 3 ເຂດເສດຖະກິດຕະຫຼາດອາຟະລິກາພາກຕາເວັນອອກ ແລະ ອາຟະລິກາໃຕ້ (COMESA), ປະຊາຄົມເສດຖະກິດອາຟະລິກາຕາເວັນອອກ (EAC) ແລະ ປະຊາຄົມພັດທະນາອາຟະລິກາໃຕ້ (SADC) ເປັນອົງການໜຶ່ງດຽວ ເພື່ອສ້າງຕັ້ງ CFTA ໃນປີ 2017.
ທີ່ກອງປະຊຸມ, ບັນດາການນຳອາຟະລິກາ ໄດ້ເຫັນດີມອບສິດໃຫ້ຄະນະກຳມະການ AU ຮຽບຮຽງແຜນການວິໄສທັດ CFTA. ຄາດວ່າ, ເອກະສານນີ້ຈະໄດ້ຍົກອອກມາເພື່ອປຶກສາຫາລືທີກອງປະຊຸມສຸດຍອດທະວີບ, ຢູ່ Ethiopia ໃນເດືອນ 01/2017.