ອີຢິບຊອກຫາວິທີຊັບຊ້ອນການພົບປະລະຫວ່າງການນຳອິດສະລາແອນແລະປາແລດສະຕິນ
ທ່ານປະທານາທິບໍດີ ປາແລດສະຕິນ Mahmoud Abbas ແລະ
ທ່ານນາຍົກລັດຖະມົນຕີ ອິດສະລາແອນ Benjamin Netanyahu
(ພາບ: Reuters)
(vovworld) - ວັນທີ 24/05, ໜັງສືພິມ Yedioth Ahronoth ຂອງ ອິດສະລາແອນ ໃຫ້ຮູ້ວ່າ: ອີຢິບ ພວມຊັບຊ້ອນຈັດຕັ້ງການພົບປະລະຫວ່າງທ່ານປະທານາທິບໍດີ ປາແລດສະຕິນ Mahmoud Abbas ແລະ ທ່ານນາຍົກລັດຖະມົນຕີ ອິດສະລາແອນ Benjamin Netanyahu ເຊິ່ງຈະ ມີການເຂົ້າຮ່ວມຂອງທ່ານປະທານາທິບໍດີປະເທດເຈົ້າພາບ ອີຢິບ Abdel Fattah al-Sisi ຢູ່ Cairo ຈະມາເຖິງ ເພື່ອຊຸກຍູ້ວິວັດທະນາການເຈລະຈາສັນຕິພາບລະຫວ່າງ ອິດສະລາແອນ ແລະ ປາແລດສະຕິນ. ຕາມໜັງສືພິມດັ່ງກ່າວແລ້ວ, ທ່ານປະທານາທິບໍດີ ອີຢິບ al-Sisi ພວມມານະພະຍາຍາມຊຸກຍູ້ບັນດາການເຈລະຈາລະຫວ່າງ ອິດສະລາແອນ ແລະ ປາແລດສະຕິນ ໃຫ້ກ້າວຂຶ້ນສູ່ໄລຍະໃໝ່ ໃນສະພາບການຂໍ້ລິເລີ່ມຂອງ ຝະລັ່ງ ກ່ຽວກັບການຈັດຕັ້ງກອງປະຊຸມສາກົນຂັ້ນລັດຖະມົນຕີການຕ່າງປະເທດຢູ່ Paris ຄາດວ່າ ຈະຈັດຕັ້ງໃນວັນທີ 30/05 ແມ່ນຖືກໂຈະໄວ້ ແລະ ທ່ານນາຍົກລັດຖະມົນຕີ Netanyahu ສືບຕໍ່ປະຕິເສດຂໍ້ລິເລີ່ມດັ່ງກ່າວ ເຖິງວ່າທ່ານຢັ້ງຢືນຄວາມພ້ອມທີ່ຈະພົບປະກັບທ່ານປະທານາທິບໍດີ ປາແລດສະຕິນ Mahmoud Abbas ໂດຍກົງ ,