ປະທານ EC Jean-Claude Juncker ກ່າວຄຳເຫັນໃນການປະຊຸມຂ່າວຢູ່ ປຣຸກແຊນ, ປະເທດ ແບນຊິກ ໃນວັນທີ 19/7
(ພາບ: ສຳນັກຂ່າວສານ ຊິນຮວາ/ ສຳນັກຂ່າວສານ ຊິນຮວາ)
(vovworld) – ວັນທີ 26/7, ໂຄສົກຄະນະກຳມະການເອີລົບ (EC) Margaritis Schinas ຢັ້ງຢືນວ່າ ສະຫະພາບ ເອີລົບ (ອີຢູ) ເຄົາລົບບັນດາຄຳໝັ້ນສັນຍາການເງິນໃນຂ້ໍ້ຕົກລົງ ອີຢູ - ຕວກກີ. ຖະແຫຼງການນີ້ເພື່ອແນໃສ່ໂຕ້ຕອບຄຳກ່າວຫາຂອງທ່ານປະທານາທິບໍດີ ຕວກກີ Recep Tayyip Erdogan ໃນວັນທີ 25/7 ທີ່ວ່າ: ອີຢູ ບໍ່ປະຕິບັດຄຳໝັ້ນສັນຍາໃນຂໍ້ຕົກລົງທ່ີ 2 ຝ່າຍເຊັນກັນກ່ຽວກັບເລື່ອງນຳເອົາຊາວອົບພະຍົບ ຊີຣີ ກັບຄືນຜ່ານທະເລ Aegean ແລະ ຖືວ່າມາຮອດປະຈຸບັນ, ຕວກກີ ຍັງບໍ່ທັນໄດ້ຮັບບໍ່ວ່າການໜູນຊ່ວຍໃດຈາກ ອີຢູ. ທ່ານ Schinas ໃຫ້ຮູ້ວ່າ ອີຢູ ໄດ້ລະດົມເງິນຈຳນວນ 3 ລ້ານເອີໂຣ ເພື່ອແນໃສ່ໜູນຊ່ວຍຊາວອົບພະຍົບ ຕວກກີ ແລະ ມີປະມານ 740 ລ້ານ ເອີໂຣ ໄດ້ສະໜອງແລ້ວ. ໂຄສົກ EC ໄດ້ເນັ້ນໜັກວ່າ: EC ພວມກະກຽມຮັບຮອງເອົາມາດຕະການພິເສດເພື່ອສະໜອງເງິນຈຳນວນ 1,4 ຕື້ ເອີໂຣ, ຍົກຈຳນວນລາຍຈ່າຍນີ້ຂຶ້ນເຖິງ 2,1 ຕຶ້ ເອີໂຣ ແຕ່ນີ້ຮອດທ້າຍເດືອນ. ທ່ານ Schinas ຢັ້ງຢືນວ່າ ອີຢູ ຍັງຮັກສາຄຳໝັ້ນສັນຍາຂອງຕົນ ແລະ ແຫຼ່ງທຶນທີ່ ອີຢູ ສະໜອງເພື່ອໜູນຊ່ວຍຊາວອົບພະຍົບ ຫາກບໍ່ແມ່ນໃຫ້ ຕວກກີ ແລະ ລັດຖະບານປະເທດນີ້.