ອີຢູເພີ່ມທະວີການລົງໂທດສປປ.ເກົາຫຼີ
(ພາບປະກອບ: AFP/TTXVN)
(vovworld) - ວັນທີ 27/02, ສະພາເອີລົບ ໄດ້ປະກາດເລື່ອງຈັດວາງບັນດາມາດຕະການລົງໂທດໃໝ່ສຳລັບສປປ.ເກົາຫຼີ. ບັນດາມາດຕະການລົງໂທດໃໝ່ລວມມີການຈຳກັດການພົວພັນຄ້າຂາຍຖ່ານຫີນ, ເຫຼັກກ້າ ແລະ ແຮ່ທາດ ພ້ອມກັບຄຳສັ່ງຫ້າມນຳເຂົ້າທອງ, niken, ເງິນ, ຮູບປັ້ນ ທີ່ມາຈາກສປປ.ເກົາຫຼີ. ບັນດາມາດຕະການລົງໂທດກໍ່ລວມມີຄຳສັ່ງຫ້າມສົ່ງອອກເຮືອບິນເອລີກອບເຕີ ແລະ ກ່ຳປັ່ນເຖິງສປປ.ເກົາຫຼີ. ເລື່ອງເພີ່ມທະວີບັນດາມາດຕະການລົງໂທດກໍ່ມີຜົນສັກສິດສຳລັບບັນດາຂົງເຂດຄົມມະນາຄົມ ແລະ ການເງິນຄື: ຫ້າມບັນດາຄະນະຜູ້ແທນທຸຕານຸທູດ ແລະ ບັນດານັກການທູດສປປ.ເກົາຫຼີ ເປີດກວ່າໜຶ່ງບັນຊີເງິນຟາກຢູ່ບັນດາທະນາຄານຂຶ້ນກັບບັນດາປະເທດ ອີຢູ, ພ້ອມທັງຈຳກັດປະເທດນີ້ມີກຳມະສິດນຳໃຊ້ບັນດາອະສັງຫາລິມະຊັບຢູ່ອີຢູ.
ແລະກໍ່ໃນວັນດຽວກັນ, ວົງການເຈົ້າໜ້າທີ່ຂັ້ນສູງຂອງອາເມລິກາ, ຍີ່ປຸ່ນ ແລະ ສ.ເກົາຫຼີ ໄດ້ຈັດກອງປະຊຸມຢູ່ວໍຊິງຕັນ ເພື່ອປຶກສາຫາລືກ່ຽວກັບວິທີສະກັດກັ້ນການເຄື່ອນໄຫວສະໜອງດ້ານການເງິນໃຫ້ບັນດາໂຄງການອາວຸດຂອງສປປ.ເກົາຫຼີ.