ພາບປະກອບ:internet
|
(vovworld)- ວັນທີ 24/6, ສະພາ ເອີລົບ ໄດ້ໃຫ້ສັດຕະຍາບັນຍຸດທະສາດການປ້ອງກັນຄວາມສະຫງົບຢູ່ທະເລ ຂອງ ສະຫະພາບເອີລົບ (ຫລື ອີຢູ) ແລະ ຖືວ່າ ນີ້ແມ່ນຂອບເຂດສຳລັບການຮັບມືຢ່າງມີປະສິດທິຜົນ ແລະ ຮອບດ້ານກັບບັນດາສິ່ງທ້າທາຍດ້ານຄວາມສະຫງົບປອດໄພຂອງກຸ່ມ. ໃນຖະແຫລງການ ພາຍຫລັງກອງປະຊຸມລັດຖະມົນຕີ 28 ປະເທດສະມາຊິກ ອີຢູ ຊື່ງດຳເນີນໄປຢູ່ ລຸກຊຳບວກ, ບັນດາທ່ານລັດຖະມົນຕີ ຊີ້ແຈ້ງວ່າ: ຈຸດໝາຍຂອງຍຸດທະສາດ ແມ່ນຮັບປະກັນບັນດາຜົນປະໂຫຍດຄວາມສະຫງົບປອດໄພຢູ່ທະເລຂອງ ອີຢູ ຕໍ່ຫນ້າສະພາບແວດລ້ອມແຫ່ງການເດີນທະເລ ຖືກນາບຂູ່. ທ່ານນາງ Catherine Ashton, ຜູ້ຕາງຫນ້າຂັ້ນສູງ ຮັບຜິດຊອບການປ້ອງກັນຄວາມສະຫງົບ ແລະ ນະໂຍບາຍການຕ່າງປະເທດ ອີຢູ່ ເນັ້ນຫນັກວ່າ: ຍຸດທະສາດນີ້ ຈະຊ່ວຍພວກເຮົາຊຸກຍູ້ບັນດາຜົນປະໂຫຍດຄວາມສະຫງົບປອດໄພຢູ່ທະເລຢ່າງມີປະສິດທິຜົນກວ່າ ກໍຄືແບກຫາບບັນດາຄວາມຮັບຜິດຊອບທົ່ວໂລກ.