(vovworld) - ວົງການເຈົ້າໜ້າທີ່ປ້ອງກັນຄວາມສະຫງົບອີຣັກ ໃຫ້ຮູ້ວ່າ, ວັນທີ 21/08, ກຳລັງປ້ອງກັນຄວາມສະຫງົບຂອງປະເທດນີ້ໄດ້ສະກັດກັ້ນການວາງລະເບີດສະຫຼະຊີບ 2 ຄັ້ງ, ໂດຍບັນດາເປົ້າໝາຍຖືກສົງໄສວ່າຂຶ້ນກັບອົງການລັດອິດສະລາມ (IS) ອ້າງຊື່ເອງ, ຄາດວ່າຈະບຸກໂຈມຕີໃສ່ໂບດອິດສະລາມນິກາຍ ຊີອາ 2 ແຫ່ງ ຢູ່ນະຄອນ Kirkuk, ທາງພາກເໜືອປະເທດນີ້. ໃນເຫດການຢູ່ທາງທິດຕາເວັນຕົກ Kirkuk, ເປົ້າໝາຍວາງລະເບີດສະຫຼະຊີບໄດ້ຊອກວິທີບຸກເຂົ້າໂບດແຫ່ງໜຶ່ງທີ່ມີສາສະນິກກະຊົນພວມພາວະນາ ເປັນຈຳນວນຫຼວງຫຼາຍ, ເມື່ອຖືກກຳລັງປ້ອງກັນກີດຂວາງ, ເປົ້າໝາຍດັ່ງກ່າວໄດ້ເຮັດໃຫ້ລະເບີດທີ່ຢູ່ໃນເສື້ອແວັດແຕກ, ເຮັດໃຫ້ 4 ຄົນຖືກຮັບບາດເຈັບ, ໃນນັ້ນມີພາລະກອນປ້ອງກັນຄວາມສະຫງົບ 2 ຄົນ.
ໃນເຫດການທີ 2, ຫົວໜ້າຕຳຫຼອດນະຄອນ Kirkuk, Khattab Omar Aref ໃຫ້ຮູ້ວ່າ, ມີເຍົາວະຊົນຜູ້ໜຶ່ງອາຍຸ 15 ປີ, ຕັ້ງໃຈເຮັດໃຫ້ລະເບີດທີ່ຕິດຢູ່ກັບຕົວເອງແຕກຢູ່ໂບດແຫ່ງໜຶ່ງອື່ນອີກທີ່ຢູ່ໃຈກາງນະຄອນ Kirkuk. ແຕ່ວ່າ, ກຳລັງປ້ອງກັນຄວາມສະຫງົບໄດ້ຈັບຕົວເປົ້າໝາຍນີ້ຢ່າງທັນການ. ປະຈຸບັນ, ຍັງບໍ່ທັນມີກຸ່ມໃດກ່າວຮັບຜິດຊອບຢືນຢູ່ເບື້ອງຫຼັງ 2 ເຫດການດັ່ງກ່າວຢູ່ Kirkuk ເທື່ອ.