(VOVWORLD) -ວັນທີ 03 ພະຈິກ, ກຳລັງປ້ອງກັນຄວາມສະຫງົບອີຣັກ ເລີ່ມດຳເນີນບັ້ນຮົບທີ່ມີຂອບເຂດໜາດໃຫຍ່ແນໃສ່ຕີໃຫ້ພວກ IS ອອກຈາກເຂດທາງທິດຕາເວັນຕົກຂອງປະເທດນີ້.
ໂຄສົກຂອງກອງບັນຊາການບັນດາບັ້ນຮົບຮ່ວມອີຣັກ, ນາຍພົນ Yahya Rasoul ໃຫ້ຮູ້ວ່າ, ບັ້ນຮົບດັ່ງກ່າວໄດ້ຮັບການຜັນຂະຫຍາຍເພື່ອແນໃສ່ກວາດລ້າງພວກ IS ທີ່ຍັງເຫຼືອຢູ່ເຂດທະເລຊາຍທີ່ກວ້າງໃຫຍ່ລະຫວ່າງບັນດາແຂວງ Salahudin, Nineveh ແລະ Anbar. ຫຼັງຈາກນັ້ນ, ກຳລັງປ້ອງກັນຄວາມສະຫງົບຈະເດີນທາງໄປທາງທິດຕາເວັນຕົກ ມາໃກ້ກັບເຂດຊາຍແດນຊີຣີ ແລະ ສະກັດກັ້ນບັນດາການແຊກຊຶມຂອງບັນດາມືປືນ IS ທີ່ເດີນທາງໄປຈາກຊີຣີ ເຖິງ ອີຣັກ.