( vovworld ) - ວັນທີ 28/2, ລັດຖະມົນຕີກະຊວງປ້ອງກັນປະເທດອີຣານ, ທ່ານນາຍພົນ Ahmad Vahidi ໄດ້ເວົ້າວ່າ, ອີຣານ ຈະຕ້ານທຸກການນາບຂູ່ຂອງອິສະຣາແອນ ແລະ ຝ່າຍຕາເວັນຕົກ. ຍຸດທະສາດຂອງອີຣານ ແມ່ນສະແດງປະຕິກິລິຍາຢ່າງຮ້າຍແຮງກ່ຽວກັບທຸກໆການກະທຳກໍ່ເລື່ອງກັບອີຣານ. ໃນຈຸດເວລາທີ່ເໝາະສົມ, ອີຣານ ຈະຍົກອອກບັນດາປະຕິກິລິຍາທີ່ແທດເໝາະກັບບັນດາການນາບຂູ່ ແລະ ສິ່ງດັ່ງກ່າວຈະເຮັດໃຫ້ສັດຕູຂອງອີຣານ ຕ້ອງກິນແໜງຍ້ອນການກະທຳຂອງຕົນ. ຄຳຖະແຫຼງຂອງທ່ານ Vahidi ຖືກຍົກອອກມາພາຍຫຼັງ 1 ມື້ ກ່ອນທີ່ທ່ານລັດຖະມົນຕີກະຊວງປ້ອງກັນປະເທດອິສະຣາແອນ Ehud Barak ໄປວໍສິງຕັນ ເພື່ອປຶກສາຫາລືກັບບັນດາເຈົ້າໜ້າທີ່ອາເມລິກາ ກ່ຽວກັບໂຄງການນິວເຄຼີຍຂອງອີຣານ.
ປະຈຸບັນ, ບັນດາການເສີມທາດອູຣານີຂອງອີຣານ ເຮັດໃຫ້ຝ່າຍຕາເວັນຕົກມີຄວາມວິຕົກກັງວົນວ່າ ອີຣານ ພວມພະຍາຍາມຜະລິດອາວຸດນິວເຄຼີຍ. ເຖິງແມ່ນວ່າ, ອີຣານ ໄດ້ຢືນຢັນວ່າ, ໂຄງການນິວເຄຼີຍຂອງຕົນແມ່ນເພື່ອເປົ້າໝາຍສັນຕິພາບ ແລະ ອິສະຣານແອນ ໄດ້ນາບຂູ່ວ່າຈະດຳເນີນບັນດາບັ້ນຮົບດ້ານການທະຫານແນໃສ່ຮາກຖານນິວເຄຼີຍຂອງອີຣານ.