ໂຄສົກກະຊວງການຕ່າງປະເທດ ອີຣານ ທ່ານ Bahram Qasemi
(ພາບ: Al-Manar TV/TTXVN)
(vovworld) - ວັນທີ 12/04 ໂຄສົກກະຊວງການຕ່າງປະເທດ ອີຣານ ທ່ານ Bahram Qasemi ໄດ້ອອກສຽງຕຳໜິຕິຕຽນຄຳຕັດສິນຂອງສະຫະພາບເອີລົບ (ອີຢູ) ທີ່ແກ່ຍາວຄຳສັ່ງລົງໂທດ ອີຣານ ຕື່ມອີກ 1 ປີ. ກະຊວງການຕ່າງປະເທດ ອີຣານ ຖືວ່າ: ຄຳຕັດສິນດັ່ງກ່າວຂອງ ອີຢູ “ມີຈຸດປະສົງການເມືອງ”, ທ່ານ Qasemi ເນັ້ນໜັກວ່າ ອີຢູ ເຂົ້າໃຈຢ່າງຜິດພາດກ່ຽວກັບສະພາບການສິດທິມະນຸດຢູ່ ອີຣານ.
ຖະແຫຼງການຂອງໂຄສົກກະຊວງການຕ່າງປະເທດ ອີຣານ ແນໃສ່ໂຕ້ຕອບເລື່ອງ ວັນທີ 11/04 ອີຢູ ຮັບຮອງເອົາມະຕິແກ່ຍາວຄຳສັ່ງລົງໂທດ ອີຣານ ຕື່ມອີກ 1 ປີ ຈົນຮອດວັນທີ 13/04/2018, ດ້ວຍສາຍເຫດ “ບັນດາການກະທຳທີ່ລະເມີດສິດທິມະນຸດຢ່າງຮ້າຍແຮງ” ຢູ່ປະເທດນີ້.