(ພາບປະກອບຈາກ IRNA/TTXVN)

ວັນທີ 27 ມັງກອນ, ສຳນັກຂ່າວສານ Mehr ຂອງ ອີຣານ ໄດ້ໃຫ້ຂ່າວກ່ຽວກັບເລື່ອງບັນດາມືປືນໂດຍບໍ່ເຜີຍຊື່ ໄດ້ເຂັ່ນຂ້າຊາວຕ່າງປະເທດ 9 ຄົນຢູ່ແຂວງ Sistan – Baluchestan, ຂຶ້ນກັບເຂດທາງທິດຕາເວັນອອກສ່ຽງໃຕ້ຂອງປະເທດ ອີຣານ, ໃກ້ກັບເຂດຊາຍແດນ ປາກິດສະຖານ. ປະຈຸບັນ, ຍັງບໍ່ທັນມີບຸກຄົນ ຫຼື ກຸ່ມໃດກ່າວສຽງເລື່ອງຍິງປືນນີ້ເທື່ອ. ເຫດຍິງປືນເກີດຂຶ້ນໃນສະພາບການ ອີຣານ ແລະ ປາກິດສະຖານ ອະນຸຍາດ ເອກອັກຄະລັດຖະທູດ ຂອງແຕ່ລະປະເທດກັບຄືນມາສຳນັກງານເຮັດວຽກຢູ່ ນະຄອນ Tehran ຂອງ ອີຣານ ແລະ Islamabad ຂອງ ປາກິດສະຖານ ພາຍຫຼັງບັນດາຄວາມເຄັ່ງຕຶງຫວ່າງແລ້ວນີ້ລະຫວ່າງສອງປະເທດ.

ທ່ານ Muhammad Muddasir Tipu, ເອກອັກຄະລັດຖະທູູດ ປາກິດສະຖານ ປະຈຳ ອີຣານ ໄດ້ກັບເມືອປະເທດໃນອາທິດກ່ອນ, ພາຍຫຼັງ ອີຣານ ໄດ້ດຳເນີນການບຸກໂຈມຕີທາງອາກາດແນໃສ່ແຂວງ Balochistan ໃນວັນທີ 16 ມັງກອນ, ດ້ວຍຖະແຫຼງການສະກັດກັ້ນບັນດາມືປືນກໍ່ການຮ້າຍ. ໃນຂະນະນັ້ນ, ທ່ານເອກອັກຄະລັດຖະທູດ ອີຣານ ປະຈຳ ປາກິດສະຖານ ເຄີຍມີການປະຕິບັດງານຢູ່ພາຍໃນປະເທດ, ຝ່າຍ ປາກິດສະຖານ ກໍ່ໄດ້ປະຕິເສດໃຫ້ກັບຄືນສຳນັກງານເຮັດວຽກ. ນັບແຕ່ເວລານັ້ນ, ປາກິດສະຖານ ໄດ້ໂຈະ ການພົວພັນທາງການທູດກັບປະເທດບ້ານໃກ້ເຮືອນຄຽງ.