(vovworld) – ວັນທີ 10/11, ອີຣານ ໃຫ້ຮູ້ວ່າ, ປະເທດສ.ອິດສລາມ ພ້ອມແລ້ວທີ່ຈະໜູນຊ່ວຍປະເທດບ້ານໃກ້ເຮືອນຄຽງອີຣັກ ໃນການສູ້ຮົບຕ້ານກຸ່ມລັດອິດສະລາມ (IS) ອ້າງຕົວເອງ ຕາມຄຳສະເໜີຂອງແບກແດດ. ຖະແຫຼງການດັ່ງກ່າວໂດຍທ່ານຮອງປະທານາທິບໍດີອີຣານ Eshaq Jahangiri ຍົກອອກມາທີ່ກອງປະຊຸມກັບຜູ້ຮ່ວມຕຳແໜ່ງອີຣັກ, ອະດີດນາຍົກລັດຖະມົນຕີ Nuri al Maliki, ເຊິ່ງດຳເນີນໄປຢູ່ນະຄອນຫຼວງ ເຕເຣຣານ. ຊ່ອງໂທລະພາບ IRIB ໄດ້ຄັດຄຳເວົ້າຂອງທ່ານ Jahangiri ຊີ້ແຈ້ງວ່າ “ໃນການສູ້ຮົບຕ້ານພວກກໍ່ການຮ້າຍ, ພວກເຮົາຕ້ອງນຳໃຊ້ທຸກໆມາດຕະການ… ອີຣານ ພ້ອມແລ້ວທີ່ຈະຊ່ວຍເຫຼືອຢ່າງສຸດຈິດສຸດໃຈເມື່ອອີຣັກ ສະເໜີ”. ໃນຂະນະນັ້ນ, ທ່ານ al Maliki ເວົ້າວ່າ ການຮ່ວມມື ແລະ ສົມທົບກັນເຄື່ອນໄຫວຢ່າງກວ້າງໃຫຍ່ກວ່າແມ່ນສິ່ງທີ່ຈຳເປັນ ເພື່ອສະກັດກັ້ນບັນດາໄພນາບຂູ່ພວມນັບມືນັບໃຫຍ່ຫຼວງຈາກ IS.
ເພື່ອໜູນຊ່ວຍປະເທດບ້ານໃກ້ເຮືອນຄຽງຕ້ານບັນດາການບຸກໂຈມຕີຈາກ IS ເມື່ອຕົ້ນເດືອນ 06 ຜ່ານມາ, ອີຣານ ໄດ້ຊ່ວຍເຫຼືອອາວຸດໃຫ້ປະຊາຄົມຊາວເຄີດ ຢູ່ອີຣັກ ແລະ ສົ່ງຜູ້ທີ່ປຶກສາດ້ານການທະຫານໄປເຖິງແບກແດດ. ແຕ່ວ່າ, ມາຮອດປະຈຸບັນ, ເຕເຣຣານ ຍັງປະຕິເສດການເຂົ້າຮ່ວມພັນທະມິດຕ້ານ IS ໂດຍອາເມລິກາ ນຳໜ້າ ຍ້ອນຖືວ່າການເຄື່ອນໄຫວບຸກໂຈມຕີທາງອາກາດຕ້ານພວກກໍ່ການຮ້າຍ ແມ່ນບໍ່ບັນລຸປະສິດທິຜົນ.