(vovworld) - ທີ່ກອງປະຊຸມກ່ຽວກັບພະລັງງານ ນິວເຄຼຍເຊິ່ງຈັດຂຶ້ນຢູ່ St Petersburg, ປະເທດ ລັດເຊຍ, ວັນທີ 28/6, ຫົວໜ້າອົງການພະລັງງານປະລະມານູ ອີຣານ, ທ່ານ Fereydoun Abbasi – Davani ຢຶນຢັນວ່າເລື່ອງຜະລິດເຊື້ອເພີງນິວເຄຼຍຈະສືບຕໍ່ປະຕິບັດຖືກຕາມຈຸດໝາຍເຊິ່ງ ອີຣານ ໄດ້ປະກາດ, ບັນດາການເຄື່ອນໄຫວເສີມທາດຢູຣານຽມ ຮັບໃຊ້ໂຄງການຜະລິດເຊື້ອເພີງກໍ່ບໍ່ປ່ຽນແປງ ແລະ ຮາກຖານນິວເຄຼຍ Fordow ຢູ່ໃຕ້ດິນເຊິ່ງ ຝ່າຍຕາເວັນຕົກຢາກໃຫ້ ອີຣານ ປິດປະຕູໄວ້ນັ້ນຈະສືບຕໍ່ເຄື່ອນໄຫວເປັນປົກກະຕິ. ທ່ານ Abbasi – Davani ໃຫ້ຮູ້ວ່າ: ກ່ອນນີ້ 3 ວັນ, ໂຮງງານໄຟຟ້ານິວເຄຼຍ Bushehr ແຫ່ງໜຶ່ງດຽວຂອງ ອີຣານ ໄດ້ເຄື່ອນໄຫວຄືນໃໝ່ ດ້ວຍກຳລັງໄຟຟ້າ 1.000 mw. ແຕ່ດົນນານມາແລ້ວ, ໂຄງການເສີມທາດຢູຣານຽມຂອງ ອີຣານ ໄດ້ກໍ່ຄວາມໂຕ້ຖຽງກັນຫຼາຍຢ່າງເຖິງວ່າ ເຕເຮຣານ ໄດ້ຢືນຢັນວ່າບັນດາການເຄື່ອນໄຫວນີ້ເພື່ອແນໃສ່ຜະລິດໄຟຟ້າ ຮັບໃຊ້ຈຸດປະສົງພົນລະເຮືອນ ແລະ ສາທາລະນະສຸກ. ແຕ່ເຖິງຢ່າງໃດກໍ່ຕາມ, ບັນດາປະເທດຝ່າຍຕາເວັນຕົກ ຍັງມີຄວາມວິຕົກວັງວົນວ່າ ອີຣານ ຈະເສີມທາດຢູຣານຽມຢູ່ລະດັບສູງກ່ວາເພື່ອຜະລິດລະເບີດນິວເຄຼຍ.