(vovworld) - ວັນທີ 09/02, ທູດພິເສດຂອງອີຣານ ປະຈຳອົງການພະລັງງານລະມານຸສາກົນ (IAEA) ທ່ານ Reza Najafi ໃຫ້ຮູ້ວ່າ, ທີ່ບັນດາການເຈລະຈາກັບ IAEA, ປະເທດນີ້ໄດ້ເຫັນດີຕໍ່ 7 ບາດກ້າວຕົວຈິງ ເພື່ອແນໃສ່ຊອກຫາບັນດາມາດຕະການຮັບປະກັນລັກສະນະກະຈ່າງແຈ້ງກ່ຽວກັບໂຄງການນິວເຄຼຍຂອງ ເຕເຣຣານ. ຕາມທູດພິເສດ Reza Najafi ແລ້ວ, ໄດ້ມີ 7 ບາດກ້າວຕື່ມອີກທີ່ກ່ຽວຂ້ອງເຖິງການເຄື່ອນໄຫວຮ່ວມມືກັບ IAEA ເຊິ່ງ 2 ຝ່າຍໄດ້ເຫັນດີນຳກັນ ແລະ ຮອດວັນທີ 15/05 ຈະໄດ້ຮັບການຜັນຂະຫຍາຍ. ແຕ່ວ່າ, ລາຍລະອຽດຂອງຂໍ້ຕົກລົງນີ້ບໍ່ໄດ້ຮັບການປະກາດເທື່ອ. ຄາດວ່າ, ຜູ້ອຳນວຍການໃຫຍ່ IAEA ທ່ານ Yukia Amano ຈະລາຍງານໝາກຜົນກອງປະຊຸມນີ້ກັບການນຳ IAEA. ຖະແຫຼງຂ່າວດັ່ງກ່າວໄດ້ຍົກອອກມາພາຍຫຼັງສິ້ນສຸດການເຈລະຈາເປັນເວລາ 2 ວັນ ລະຫວ່າງບັນດາຜູ້ຊ່ຽວຊານ IAEA ກັບບັນດາເຈົ້າໜ້າທີ່ນິວເຄຼຍອີຣານ ໂດຍທ່ານ Reza Najafi ນຳໜ້າ.