(ພາບປະກອບ:ອິນເຕີແນັດ)
(vovworld)- ຮອບເຈລະຈາລະຫວ່າງອີຣານ ແລະ ກຸ່ມ P5+1 (ລວມມີອັງກິດ, ຝະລັ່ງ, ລັດເຊຍ, ອາເມລິກາ ແລະ ເຢຍລະມັນ) ໄດ້ເລີ່ມດຳເນີນໃນວັນທີ 26/2 ຢູ່ກາຊັກສະຖານ. ກ່ອນ 1 ວັນດຳເນີນການເຈລະຈາ, ບັນດາເຈົ້າໜ້າທີ່ອີຣານ ສືບຕໍ່ຢັ້ງຢືນວ່າ: ອີຣານ ຈະຢຸດການເສີມທາດອູຣານຽມ ໃນລະດັບ 20% ຖ້າຫາກວ່າຝ່າຍຕາເວັນຕົກຍົກເລີກບັນດາຄຳສັ່ງລົງໂທດຕ້ານປະເທດສາທາລະນະລັດອິດສະລາມນີ້. ສຳນັກຂ່າວສານ Press TV ຂອງອີຣານ ໄດ້ຄັດສະເໜີຄຳເວົ້າຂອງທ່ານ Alaeddin Boroujerdi ປະທານຄະນະກຳມາທິການປ້ອງກັນຄວາມສະຫງົບແຫ່ງຊາດ ແລະ ນະໂຍບາຍການຕ່າງປະເທດຂອງສະພາແຫ່ງຊາດອີຣານ ໂດຍໃຫ້ຮູ້ວ່າ: ລັດຖະບານບັນດາປະເທດຕາເວັນຕົກ ບໍ່ຄວນຕັ້ງຄວາມຫວັງເຂົ້າໃນເລື່ອງອີຣານ ຈະຢຸດການເສີມທາດອູຣານຽມໃນລະດັບສູງ ຖ້າຫາກວ່າຝ່າຍຕາເວັນຕົກ ຍັງບໍ່ທັນຍົກເລີກບັນດາຄຳສັ່ງລົງໂທດ ແລະ ບັນດາກຳລັງດັນທີ່ມີຕໍ່ປະຊາຊົນອີຮານ. ແຕ່ເຖິງຢ່າງໃດກໍ່ຕາມ, ທ່ານ Boroujerdi ກໍ່ຢັ້ງຢືນວ່າ ອີຣານ ມີສິດເສີມທາດອູຣານຽມ ຊ້ຳບໍ່ໜຳແມ່ນສິດເສີມທາດອູຣານຽມໃນລະດັບສູງກ່ວາອີກ.