(vovworld) – ອີຣານ ຫວັງວ່າ, ປະເທດນີ້ ແລະ ກຸ່ມ P5+1 (ເຊິ່ງລວມມີ 5 ປະເທດກຳມະການປະຈຳສະພາຄວາມໝັ້ນຄົງສປຊ ແມ່ນ: ອາເມລິກາ, ອັງກິດ, ຝຣັ່ງ, ລັດເຊຍ, ຈີນ ແລະ ເຢຍລະມັນ) ຈະບັນລຸໄດ້ແຜນຮ່າງສະບັບທຳອິດຂອງຂໍ້ຕົກລົງນິວເຄຼຍຮອບດ້ານໃນຊຸມມື້ຈະມາເຖິງ. ທ່ານລັດຖະມົນຕີຊ່ວຍວ່າການກະຊວງການຕ່າງປະເທດອີຣານ Abbas Araqchi ໃຫ້ຮູ້ວ່າ, ບັນດາຜູ້ຕາງໜ້າຂອງ 2 ຝ່າຍໄດ້ເລີ່ມຮຽບຮຽງຂໍ້ຕົກລົງສຸດທ້າຍ ແລະ ບັດດານັກຊ່ຽວຊານອີຣານ ແລະ ກຸ່ມ P5+1 ພວມກວດກາບັນດາລາຍລະອຽດຂອງຂໍ້ຕົກລົງນີ້. ກ່າວຄຳເຫັນໃນວັນທີ 02/05, ຢູ່ນອກກອງປະຊຸມກວດຄືນການປະຕິບັດສັນຍາບໍ່ແຜ່ຂະຫຍາຍອາວຸດນິວເຄຼຍ ຢູ່ສຳນັກງານຂອງສະຫະປະຊາຊາດ ທີ່ນິວຢອກ, ອາເມລິກາ, ທ່ານ Araqchi ໃຫ້ຮູ້ວ່າ, ຮອບເຈລະຈາທີ່ຈະມາເຖິງ ຈະໄດ້ສືບຕໍ່ຈັດຂຶ້ນຢູ່ເອີລົບ.
ໃນຂະນະນັ້ນ, ທ່ານລັດຖະມົນຕີວ່າການກະຊວງການຕ່າງປະເທດອາເມລິກາ John Kerry ຢືນຢັນວ່າ, ຕາມການນຳນົດສຸດທ້າຍເພື່ອບັນດາລຸໄດ້ຂໍ້ຕົກລົງກ່ອນວັນທີ 30/06 ຈະມາເຖິງ ອະນຸຍາດໃຫ້ການສຳພັດບັນດາຮາກຖານນິວເຄຼຍຂອງອີຣານ ໂດຍບໍ່ມີຂອບເຂດ. ທ່ານ John Kerry ເນັ້ນໜັກວ່າ, ກຸ່ມ P5+1 ຈະບໍ່ລົງນາມຂໍ້ຕົກລົງໃດ ຖ້າຫາກບໍ່ຢຸດຕິການເຄື່ອນໄຫວຜະລິດລະເບີດ (ນິວເຄຼຍ) ຂອງອີຣານ ກໍ່ຄືສະກັດກັ້ນ ເຕເຣຣານ ມີອາວຸດນິວເຄຼຍ.